مت غضب کر چھوڑ دے غصہ سجن — آبرو شاہ مبارک
شاعر
مت غضب کر چھوڑ دے غصہ سجن
مت غضب کر چھوڑ دے غصہ سجن
آ جدائی خوب نئیں مل جا سجن
بے دلوں کی عذر خواہی مان لے
جو کہ ہونا تھا سو ہو گزرا سجن
تم سوا ہم کوں کہیں جاگا نہیں
پس لڑو مت ہم سیتی بے جا سجن
مر گئے غم سیں تمہارے ہم پیا
کب تلک یہ خون غم کھانا سجن
جو لگے اب کاٹنے اخلاص کے
کیا یہی تھا پیار کا ثمرا سجن
چھوڑ تم کوں اور کس سیں ہم ملیں
کون ہے دنیا میں کوئی تم سا سجن
پاؤں پڑتا ہوں تمہارے رحم کو
بات میری مان لے ہاہا سجن
تنگ رہنا کب تلک غنچے کی طرح
پھول کے مانند ٹک کھل جا سجن
آبروؔ کوں کھو کے پچھتاؤ گے تم
ہم کو لازم ہے اتا کہنا سجن
Mat ghazab kar chhod de ghussa sajan
Mat ghazab kar chhod de ghussa sajan
Aa judai khoob nahin mil ja sajan
Be-dilon ki uzr-khwahi maan le
Jo ke hona tha so ho guzra sajan
Tum siwa hum ko kyoon kahin jaga nahin
Pas lado mat hum seeti be-ja sajan
Mar gaye gham sain tumhare hum piya
Kab talak yeh khoon gham khana sajan
Jo lage ab kaatne ikhlas ke
Kya yehi tha pyar ka samra sajan
Chhod tum ko aur kis sain hum milein
Kaun hai duniya mein koi tum sa sajan
Paon padta hoon tumhare rahm ko
Baat meri maan le haha sajan
Tang rahna kab talak ghunche ki tarah
Phool ke manind tak khil ja sajan
Aabroo ko kyoon kho ke pachtao ge tum
Hum ko lazim hai ata kehna sajan
شاعر کے بارے میں
آبرو شاہ مبارک، جن کا اصل نام نجم الدین شاہ مبارک تھا، اردو (ریختہ) کے ابتدائی اور معتبر شاعروں میں شمار ہوتے ہیں۔ ان کی پیدائش سترہویں صدی کے اواخ...
مکمل تعارف پڑھیں