اگر دل واقف نیرنگیٔ طبع صنم ہوتا — اکبر اللہ آبادی
شاعر
اگر دل واقف نیرنگیٔ طبع صنم ہوتا
اگر دل واقف نیرنگیٔ طبع صنم ہوتا
زمانہ کی دو رنگی کا اسے ہرگز نہ غم ہوتا
یہ پابند مصیبت دل کے ہاتھوں ہم تو رہتے ہیں
نہیں تو چین سے کٹتی نہ دل ہوتا نہ غم ہوتا
انہیں کی ہے وفائی کا یہ ہے آٹھوں پہر صدمہ
وہی ہوتے جو قابو میں تو پھر کاہے کو غم ہوتا
لب و چشم صنم گر دیکھنے پاتے کہیں شاعر
کوئی شیریں سخن ہوتا کوئی جادو رقم ہوتا
بہت اچھا ہوا آئے نہ وہ میری عیادت کو
جو وہ آتے تو غیر آتے جو غیر آتے تو غم ہوتا
اگر قبریں نظر آتیں نہ دارا و سکندر کی
مجھے بھی اشتیاق دولت و جاہ و حشم ہوتا
لئے جاتا ہے جوش شوق ہم کو راہ الفت میں
نہیں تو ضعف سے دشوار چلنا دو قدم ہوتا
نہ رہنے پائے دیواروں میں روزن شکر ہے ورنہ
تمہیں تو دل لگی ہوتی غریبوں پر ستم ہوتا
Agar dil waqif-e-nairangi-e-tab'-e-sanam hota
Agar dil waqif-e-nairangi-e-tab'-e-sanam hota
Zamana ki do-rangi ka use hargiz na gham hota
Yeh paband-e-musibat dil ke haathon hum to rehte hain
Nahin to chain se katti na dil hota na gham hota
Unhein ki hai wafai ka yeh hai aathon pehar sadma
Wohi hote jo qaabu mein to phir kaahe ko gham hota
Lab o chashm-e-sanam gar dekhne paate kahin shair
Koi shereen-sukhan hota koi jadoo-raqam hota
Bahut achha hua aaye na woh meri iyaadat ko
Jo woh aate to ghair aate jo ghair aate to gham hota
Agar qabrein nazar aatiin na Daara-o-Sikandar ki
Mujhe bhi ishtiyaaq-e-daulat-o-jah-o-hasham hota
Liye jaata hai josh-e-shauq hum ko rah-e-ulfat mein
Nahin to za'f se dushwar chalna do qadam hota
Na rehne paaye deewaron mein rozan shukr hai warna
Tumhein to dillagi hoti ghareebon par sitam hota
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں