بے تکلف بوسۂ زلف چلےپا لیجئے — اکبر اللہ آبادی
شاعر
بے تکلف بوسۂ زلف چلےپا لیجئے
بے تکلف بوسۂ زلف چلےپا لیجئے
نقد دل موجود ہے پھر کیوں نہ سودا لیجئے
دل تو پہلے لے چکے اب جان کے خواہاں ہیں آپ
اس میں بھی مجھ کو نہیں انکار اچھا لیجئے
پاؤں پکڑ کر کہتی ہے زنجیر زنداں میں رہو
وحشت دل کا ہے ایما راہ صحرا لیجئے
غیر کو تو کر کے ضد کرتے ہیں کھانے میں شریک
مجھ سے کہتے ہیں اگر کچھ بھوک ہو کھا لیجئے
خوش نما چیزیں ہیں بازار جہاں میں بے شمار
ایک نقد دل سے یارب مول کیا کیا لیجئے
کشتہ آخر آتش فرقت سے ہونا ہے مجھے
اور چندے صورت سیماب تڑپا لیجئے
فصل گل کے آتے ہی اکبرؔ ہوئے بے ہوش آپ
کھولیے آنکھوں کو صاحب جام صہبا لیجئے
Be-takalluf bosa-e-zulf challe pa leejiye
Be-takalluf bosa-e-zulf challe pa leejiye
Naqd-e-dil maujood hai phir kyun na sauda leejiye
Dil to pehle le chuke ab jaan ke khwahaan hain aap
Is mein bhi mujh ko nahin inkar achha leejiye
Paon pakad kar kehti hai zanjeer zindaan mein raho
Wehshat-e-dil ka hai eima rah-e-sehra leejiye
Ghair ko to kar ke zid karte hain khane mein shareek
Mujh se kehte hain agar kuch bhook ho kha leejiye
Khush numa cheezein hain bazaar-e-jahaan mein be-shumaar
Ek naqd-e-dil se ya rab mol kya kya leejiye
Kushta aakhir aatish-e-furqat se hona hai mujh
Aur chande surat-e-seemaab tadpa leejiye
Fasl-e-gul ke aate hi Akbaar hue be-hosh aap
Kholiye aankhon ko saahab jaam-e-sehba leejiye
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں