بٹھائی جائیں گی پردے میں بیبیاں کب تک — اکبر اللہ آبادی
شاعر
بٹھائی جائیں گی پردے میں بیبیاں کب تک
بٹھائی جائیں گی پردے میں بیبیاں کب تک
بنے رہو گے تم اس ملک میں میاں کب تک
حرم سرا کی حفاظت کو تیغ ہی نہ رہی
تو کام دیں گی یہ چلمن کی تیلیاں کب تک
میاں سے بی بی ہیں پردہ ہے ان کو فرض مگر
میاں کا علم ہی اٹھا تو پھر میاں کب تک
طبیعتوں کا نمو ہے ہوائے مغرب میں
یہ غیرتیں یہ حرارت یہ گرمیاں کب تک
عوام باندھ لیں دوہر تو تھرڈ وانٹر میں
سکنڈ و فرسٹ کی ہوں بند کھڑکیاں کب تک
جو منہ دکھائی کی رسموں پہ ہے مصر ابلیس
چھپیں گی حضرت حوا کی بیٹیاں کب تک
جناب حضرت اکبرؔ ہیں حامئ پردہ
مگر وہ کب تک اور ان کی رباعیاں کب تک
Bithai jaayengi parde mein bibiyaan kab tak
Bithai jaayengi parde mein bibiyaan kab tak
Bane rahoge tum is mulk mein miyaan kab tak
Haram sara ki hifazat ko tegh hi na rahi
To kaam dengi yeh chilman ki teeliyaan kab tak
Miyaan se biwi hi hain parda hai un ko farz magar
Miyaan ka ilm hi utha to phir miyaan kab tak
Tabii'aton ka numoo hai hawa-e-maghrib mein
Yeh ghairatein yeh hararat yeh garmiyaan kab tak
Awam baandh lein dohar to 'Third' o 'Winter' mein
'Second' o 'First' ki hon band khidkiyaan kab tak
Jo munh dikhai ki rasmon pe hai misr Iblees
Chhupeingi Hazrat Hawwa ki betiyaan kab tak
Janaab Hazrat Akbaar hain haami-e-parda
Magar woh kab tak aur un ki rubaiyaan kab tak
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں