چرخ سے کچھ امید تھی ہی نہیں — اکبر اللہ آبادی
شاعر
چرخ سے کچھ امید تھی ہی نہیں
چرخ سے کچھ امید تھی ہی نہیں
آرزو میں نے کوئی کی ہی نہیں
مذہبی بحث میں نے کی ہی نہیں
فالتو عقل مجھ میں تھی ہی نہیں
چاہتا تھا بہت سی باتوں کو
مگر افسوس اب وہ جی ہی نہیں
جرأت عرض حال کیا ہوتی
نظر لطف اس نے کی ہی نہیں
اس مصیبت میں دل سے کیا کہتا
کوئی ایسی مثال تھی ہی نہیں
آپ کیا جانیں قدر یا اللہ
جب مصیبت کوئی پڑی ہی نہیں
شرک چھوڑا تو سب نے چھوڑ دیا
میری کوئی سوسائٹی ہی نہیں
پوچھا اکبرؔ ہے آدمی کیسا
ہنس کے بولے وہ آدمی ہی نہیں
Charkh se kuch ummeed thi hi nahin
Charkh se kuch ummeed thi hi nahin
Aarzu maine koi ki hi nahin
Mazhabi behas maine ki hi nahin
Faaltu aql mujh mein thi hi nahin
Chahta tha bahut si baaton ko
Magar afsos ab woh ji hi nahin
Jur'at-e-arz-e-haal kya hoti
Nazar-e-lutf us ne ki hi nahin
Is musibat mein dil se kya kehta
Koi aisi misaal thi hi nahin
Aap kya jaanein qadr ya Allah
Jab musibat koi padi hi nahin
Shirk chhoda to sab ne chhod diya
Meri koi 'society' hi nahin
Poochha Akbaar hai aadmi kaisa
Hans ke bole woh aadmi hi nahin
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں