درد تو موجود ہے دل میں دوا ہو یا نہ ہو — اکبر اللہ آبادی
شاعر
درد تو موجود ہے دل میں دوا ہو یا نہ ہو
درد تو موجود ہے دل میں دوا ہو یا نہ ہو
بندگی حالت سے ظاہر ہے خدا ہو یا نہ ہو
جھومتی ہے شاخ گل کھلتے ہیں غنچے دم بہ دم
با اثر گلشن میں تحریک صبا ہو یا نہ ہو
وجد میں لاتے ہیں مجھ کو بلبلوں کے زمزمے
آپ کے نزدیک با معنی صدا ہو یا نہ ہو
کر دیا ہے زندگی نے بزم ہستی میں شریک
اس کا کچھ مقصود کوئی مدعا ہو یا نہ ہو
کیوں سول سرجن کا آنا روکتا ہے ہم نشیں
اس میں ہے اک بات آنر کی شفا ہو یا نہ ہو
مولوی صاحب نہ چھوڑیں گے خدا گو بخش دے
گھیر ہی لیں گے پولس والے سزا ہو یا نہ ہو
ممبری سے آپ پر تو وارنش ہو جائے گی
قوم کی حالت میں کچھ اس سے جلا ہو یا نہ ہو
معترض کیوں ہو اگر سمجھے تمہیں صیاد دل
ایسے گیسو ہوں تو شبہ دام کا ہو یا نہ ہو
Dard to maujood hai dil mein dawa ho ya na ho
Dard to maujood hai dil mein dawa ho ya na ho
Bandagi haalat se zaahir hai khuda ho ya na ho
Jhoomti hai shakh-e-gul khilte hain ghunche dam-ba-dam
Ba-asar gulshan mein tehreek-e-saba ho ya na ho
Wajd mein laate hain mujh ko bulbulon ke zamzame
Aap ke nazdeek ba-ma'ani sada ho ya na ho
Kar diya hai zindagi ne bazm-e-hasti mein shareek
Is ka kuch maqsood koi muddaa ho ya na ho
Kyun 'Civil Surgeon' ka aana rokta hai ham-nasheen
Is mein hai ik baat 'Honour' ki shifa ho ya na ho
Maulvi saahab na chhodeinge khuda go bakhsh de
Gher hi lenge 'Police' wale saza ho ya na ho
Memberi se aap par to 'varnish' ho jaayegi
Qaum ki haalat mein kuch is se jila ho ya na ho
Mu'tariz kyun ho agar samjhe tumhein sayyad-e-dil
Aise gaisu hon to shuba-e-daam ka ho ya na ho
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں