دل ہو خراب دین پہ جو کچھ اثر پڑے — اکبر اللہ آبادی
شاعر
دل ہو خراب دین پہ جو کچھ اثر پڑے
دل ہو خراب دین پہ جو کچھ اثر پڑے
اب کار عاشقی تو بہر کیف کر پڑے
عشق بتاں کا دین پہ جو کچھ اثر پڑے
اب تو نباہنا ہے جب اک کام کر پڑے
مذہب چھڑایا عشوۂ دنیا نے شیخ سے
دیکھی جو ریل اونٹ سے آخر اتر پڑے
بیتابیاں نصیب نہ تھیں ورنہ ہم نشیں
یہ کیا ضرور تھا کہ انہیں پر نظر پڑے
بہتر یہی ہے قصد ادھر کا کریں نہ وہ
ایسا نہ ہو کہ راہ میں دشمن کا گھر پڑے
ہم چاہتے ہیں میل وجود و عدم میں ہو
ممکن تو ہے جو بیچ میں ان کی کمر پڑے
دانا وہی ہے دل جو کرے آپ کا خیال
بینا وہی نظر ہے کہ جو آپ پر پڑے
ہونی نہ چاہئے تھی محبت مگر ہوئی
پڑنا نہ چاہئے تھا غضب میں مگر پڑے
شیطان کی نہ مان جو راحت نصیب ہو
اللہ کو پکار مصیبت اگر پڑے
اے شیخ ان بتوں کی یہ چالاکیاں تو دیکھ
نکلے اگر حرم سے تو اکبرؔ کے گھر پڑے
Dil ho kharaab deen pe jo kuch asar pade
Dil ho kharaab deen pe jo kuch asar pade
Ab kaar-e-aashiqi to behr kaif kar pade
Ishq-e-butaan ka deen pe jo kuch asar pade
Ab to nibhana hai jab ik kaam kar pade
Mazhab chhudaya ishwa-e-duniya ne shaikh se
Dekhi jo rail unt se aakhir utar pade
Betaabiyan naseeb na thiin warna hamnasheen
Yeh kya zaroor tha ke unhin par nazar pade
Behtar yahi hai qasd udhar ka karein na woh
Aisa na ho ke raah mein dushman ka ghar pade
Hum chahte hain mel wujood-o-adam mein ho
Mumkin to hai jo beech mein un ki kamar pade
Dana wahi hai dil jo kare aap ka khayal
Beena wahi nazar hai ke jo aap par pade
Honi na chahiye thi mohabbat magar hui
Padna na chahiye tha ghazab mein magar pade
Shaitan ki na maan jo rahat naseeb ho
Allah ko pukar museebat agar pade
Aye shaikh un buton ki yeh chaalaakiyaan to dekh
Nikle agar haram se to Akbar ke ghar pade
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں