دل مرا جس سے بہلتا کوئی ایسا نہ ملا — اکبر اللہ آبادی
شاعر
دل مرا جس سے بہلتا کوئی ایسا نہ ملا
دل مرا جس سے بہلتا کوئی ایسا نہ ملا
بت کے بندے ملے اللہ کا بندا نہ ملا
بزم یاراں سے پھری باد بہاری مایوس
ایک سر بھی اسے آمادۂ سودا نہ ملا
گل کے خواہاں تو نظر آئے بہت عطر فروش
طالب زمزمۂ بلبل شیدا نہ ملا
واہ کیا راہ دکھائی ہے ہمیں مرشد نے
کر دیا کعبہ کو گم اور کلیسا نہ ملا
رنگ چہرے کا تو کالج نے بھی رکھا قائم
رنگ باطن میں مگر باپ سے بیٹا نہ ملا
سید اٹھے جو گزٹ لے کے تو لاکھوں لائے
شیخ قرآن دکھاتے پھرے پیسا نہ ملا
ہوشیاروں میں تو اک اک سے سوا ہیں اکبرؔ
مجھ کو دیوانوں میں لیکن کوئی تجھ سا نہ ملا
Dil mera jis se behalta koi aisa na mila
Dil mera jis se behalta koi aisa na mila
But ke bande mile Allah ka banda na mila
Bazm-e-yaraan se phiri baad-e-bahari mayoos
Ek sar bhi use amada-e-sauda na mila
Gul ke khwahan to nazar aaye bahut itr-farosh
Talib-e-zamzama-e-bulbul-e-shaida na mila
Wah kya raah dikhai hai hamein murshid ne
Kar diya Kaaba ko gum aur kaleesa na mila
Rang chehre ka to college ne bhi rakha qaem
Rang-e-baatin mein magar baap se beta na mila
Saiyyad uthe jo gazat le ke to lakhon laye
Shaikh Quran dikhate phire paisa na mila
Hoshiyaron mein to ek ek se sawa hain Akbar
Mujh ko deewanon mein lekin koi tujh sa na mila
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں