غمزہ نہیں ہوتا کہ اشارا نہیں ہوتا — اکبر اللہ آبادی
شاعر
غمزہ نہیں ہوتا کہ اشارا نہیں ہوتا
غمزہ نہیں ہوتا کہ اشارا نہیں ہوتا
آنکھ ان سے جو ملتی ہے تو کیا کیا نہیں ہوتا
جلوہ نہ ہو معنی کا تو صورت کا اثر کیا
بلبل گل تصویر کا شیدا نہیں ہوتا
اللہ بچائے مرض عشق سے دل کو
سنتے ہیں کہ یہ عارضہ اچھا نہیں ہوتا
تشبیہ ترے چہرے کو کیا دوں گل تر سے
ہوتا ہے شگفتہ مگر اتنا نہیں ہوتا
میں نزع میں ہوں آئیں تو احسان ہے ان کا
لیکن یہ سمجھ لیں کہ تماشا نہیں ہوتا
ہم آہ بھی کرتے ہیں تو ہو جاتے ہیں بدنام
وہ قتل بھی کرتے ہیں تو چرچا نہیں ہوتا
Ghamza nahin hota ke ishaara nahin hota
Ghamza nahin hota ke ishaara nahin hota
Aankh un se jo milti hai to kya kya nahin hota
Jalwa na ho ma'ani ka to soorat ka asar kya
Bulbul gul-e-tasveer ka shaida nahin hota
Allah bachaye marz-e-ishq se dil ko
Sunte hain ke yeh aariza achha nahin hota
Tashbeeh tere chehre ko kya doon gul-e-tar se
Hota hai shagufta magar itna nahin hota
Main naz'a mein hoon aayein to ehsaan hai un ka
Lekin yeh samajh lein ke tamasha nahin hota
Hum aah bhi karte hain to ho jaate hain badnaam
Woh qatl bhi karte hain to charcha nahin hota
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں