ہوائے شب بھی ہے عنبر افشاں عروج بھی ہے مہ مبیں کا — اکبر اللہ آبادی
شاعر
ہوائے شب بھی ہے عنبر افشاں عروج بھی ہے مہ مبیں کا
ہوائے شب بھی ہے عنبر افشاں عروج بھی ہے مہ مبیں کا
نثار ہونے کی دو اجازت محل نہیں ہے نہیں نہیں کا
اگر ہو ذوق سجود پیدا ستارہ ہو اوج پر جبیں کا
نشان سجدہ زمین پر ہو تو فخر ہے وہ رخ زمیں کا
صبا بھی اس گل کے پاس آئی تو میرے دل کو ہوا یہ کھٹکا
کوئی شگوفہ نہ یہ کھلائے پیام لائی نہ ہو کہیں کا
نہ مہر و مہ پر مری نظر ہے نہ لالہ و گل کی کچھ خبر ہے
فروغ دل کے لیے ہے کافی تصور اس روئے آتشیں کا
نہ علم فطرت میں تم ہو ماہر نہ ذوق طاعت ہے تم سے ظاہر
یہ بے اصولی بہت بری ہے تمہیں نہ رکھے گی یہ کہیں کا
Hawa-e-shab bhi hai anbar afshaan urooj bhi hai mah-e-mubeen ka
Hawa-e-shab bhi hai anbar afshaan urooj bhi hai mah-e-mubeen ka
Nisar hone ki do ijazat mahal nahin hai nahin nahin ka
Agar ho zauq-e-sujood paida sitara ho auj par jabeen ka
Nishan-e-sajda zameen par ho to fakhr hai woh rukh-e-zameen ka
Saba bhi us gul ke paas aayi to mere dil ko hua yeh khaṭka
Koi shagufta na yeh khilaye payam laayi na ho kahin ka
Na mehr-o-mah par meri nazar hai na lala-o-gul ki kuch khabar hai
Farogh-e-dil ke liye hai kaafi tasawwur us ru-e-aatishin ka
Na ilm-e-fitrat mein tum ho mahir na zauq-e-taa'at hai tum se zahir
Yeh be-usooli bohat buri hai tumhein na rakhegi yeh kahin ka
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں