حیا سے سر جھکا لینا ادا سے مسکرا دینا — اکبر اللہ آبادی
شاعر
حیا سے سر جھکا لینا ادا سے مسکرا دینا
حیا سے سر جھکا لینا ادا سے مسکرا دینا
حسینوں کو بھی کتنا سہل ہے بجلی گرا دینا
یہ طرز احسان کرنے کا تمہیں کو زیب دیتا ہے
مرض میں مبتلا کر کے مریضوں کو دوا دینا
بلائیں لیتے ہیں ان کی ہم ان پر جان دیتے ہیں
یہ سودا دید کے قابل ہے کیا لینا ہے کیا دینا
خدا کی یاد میں محویت دل بادشاہی ہے
مگر آساں نہیں ہے ساری دنیا کو بھلا دینا
Haya se sar jhuka lena ada se muskura dena
Haya se sar jhuka lena ada se muskura dena
Haseenon ko bhi kitna sehl hai bijli gira dena
Yeh tarz-e-ehsan karne ka tumhein ko zeb deta hai
Marz mein mubtala kar ke mareezon ko dawa dena
Balaayein lete hain un ki hum un par jaan dete hain
Yeh sauda deed ke qaabil hai kya lena hai kya dena
Khuda ki yaad mein mahwiyat-e-dil badshahi hai
Magar aasaan nahin hai saari duniya ko bhula dena
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں