ہوں میں پروانہ مگر شمع تو ہو رات تو ہو — اکبر اللہ آبادی
شاعر
ہوں میں پروانہ مگر شمع تو ہو رات تو ہو
ہوں میں پروانہ مگر شمع تو ہو رات تو ہو
جان دینے کو ہوں موجود کوئی بات تو ہو
دل بھی حاضر سر تسلیم بھی خم کو موجود
کوئی مرکز ہو کوئی قبلۂ حاجات تو ہو
دل تو بے چین ہے اظہار ارادت کے لیے
کسی جانب سے کچھ اظہار کرامات تو ہو
دل کشا بادۂ صافی کا کسے ذوق نہیں
باطن افروز کوئی پیر خرابات تو ہو
گفتنی ہے دل پر درد کا قصہ لیکن
کس سے کہیے کوئی مستفسر حالات تو ہو
داستان غم دل کون کہے کون سنے
بزم میں موقع اظہار خیالات تو ہو
وعدے بھی یاد دلاتے ہیں گلے بھی ہیں بہت
وہ دکھائی بھی تو دیں ان سے ملاقات تو ہو
کوئی واعظ نہیں فطرت سے بلاغت میں سوا
مگر انسان میں کچھ فہم اشارات تو ہو
Hoon main parwana magar shama' to ho raat to ho
Hoon main parwana magar shama' to ho raat to ho
Jaan dene ko hoon maujood koi baat to ho
Dil bhi haazir sar-e-tasleem bhi kham ko maujood
Koi markaz ho koi qibla-e-haajaat to ho
Dil to bechain hai izhaar-e-iradat ke liye
Kisi jaanib se kuch izhaar-e-karamaat to ho
Dilkusha baada-e-saafi ka kise zauq nahin
Baatin afroze koi peer-e-kharabaat to ho
Guftani hai dil-e-pur dard ka qissa lekin
Kis se kahiye koi mustafsar-e-haalaat to ho
Dastan-e-gham-e-dil kaun kahe kaun sune
Bazm mein mauqa'-e-izhaar-e-khayalaat to ho
Waade bhi yaad dilate hain gile bhi hain bohat
Woh dikhai bhi to dein un se mulaqaat to ho
Koi waaiz nahin fitrat se balaghat mein siwa
Magar insaan mein kuch fehm-e-ishaaraat to ho
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں