جذبۂ دل نے مرے تاثیر دکھلائی تو ہے — اکبر اللہ آبادی
شاعر
جذبۂ دل نے مرے تاثیر دکھلائی تو ہے
جذبۂ دل نے مرے تاثیر دکھلائی تو ہے
گھنگھروؤں کی جانب در کچھ صدا آئی تو ہے
عشق کے اظہار میں ہر چند رسوائی تو ہے
پر کروں کیا اب طبیعت آپ پر آئی تو ہے
آپ کے سر کی قسم میرے سوا کوئی نہیں
بے تکلف آئیے کمرے میں تنہائی تو ہے
جب کہا میں نے تڑپتا ہے بہت اب دل مرا
ہنس کے فرمایا تڑپتا ہوگا سودائی تو ہے
دیکھیے ہوتی ہے کب راہی سوئے ملک عدم
خانۂ تن سے ہماری روح گھبرائی تو ہے
دل دھڑکتا ہے مرا لوں بوسۂ رخ یا نہ لوں
نیند میں اس نے دلائی منہ سے سرکائی تو ہے
دیکھیے لب تک نہیں آتی گل عارض کی یاد
سیر گلشن سے طبیعت ہم نے بہلائی تو ہے
میں بلا میں کیوں پھنسوں دیوانہ بن کر اس کے ساتھ
دل کو وحشت ہو تو ہو کمبخت سودائی تو ہے
خاک میں دل کو ملایا جلوۂ رفتار سے
کیوں نہ ہو اے نوجواں اک شان رعنائی تو ہے
یوں مروت سے تمہارے سامنے چپ ہو رہیں
کل کے جلسوں کی مگر ہم نے خبر پائی تو ہے
بادۂ گل رنگ کا ساغر عنایت کر مجھے
ساقیا تاخیر کیا ہے اب گھٹا چھائی تو ہے
جس کی الفت پر بڑا دعویٰ تھا کل اکبرؔ تمہیں
آج ہم جا کر اسے دیکھ آئے ہرجائی تو ہے
Jazba-e-dil ne mere taseer dikhlai to hai
Jazba-e-dil ne mere taseer dikhlai to hai
Ghunghruon ki jaanib-e-dar kuch sada aayi to hai
Ishq ke izhaar mein har chand ruswai to hai
Par karoon kya ab tabiyat aap par aayi to hai
Aap ke sar ki qasam mere siwa koi nahin
Be-takalluf aaiye kamre mein tanhai to hai
Jab kaha main ne tadapta hai bohat ab dil mera
Hans ke farmaya tadapta hoga saudai to hai
Dekhiye hoti hai kab raahi su-e-mulk-e-adam
Khana-e-tan se hamari rooh ghabraai to hai
Dil dhadakta hai mera loon bosa-e-rukh ya na loon
Neend mein us ne dilaai munh se sarkai to hai
Dekhiye lab tak nahin aati gul-e-aariz ki yaad
Sair-e-gulshan se tabiyat hum ne behlai to hai
Main bala mein kyun phansoon deewane ban kar us ke saath
Dil ko wahshat ho to ho kambakht saudai to hai
Khaak mein dil ko milaya jalwa-e-raftaar se
Kyun na ho ae naujawaan ek shaan-e-ranaai to hai
Yun murawwat se tumhare saamne chup ho rahi
Kal ke jalson ki magar hum ne khabar paai to hai
Baada-e-gul-rang ka saagar inaayat kar mujhe
Saaqiya takheer kya hai ab ghata chhaayi to hai
Jis ki ulfat par bada daawa tha kal Akbarؔ tumhein
Aaj hum ja kar use dekh aaye harjaai to hai
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں