خوشی ہے سب کو کہ آپریشن میں خوب نشتر یہ چل رہا ہے — اکبر اللہ آبادی
شاعر
خوشی ہے سب کو کہ آپریشن میں خوب نشتر یہ چل رہا ہے
خوشی ہے سب کو کہ آپریشن میں خوب نشتر یہ چل رہا ہے
کسی کو اس کی خبر نہیں ہے مریض کا دم نکل رہا ہے
فنا اسی رنگ پر ہے قائم فلک وہی چال چل رہا ہے
شکستہ و منتشر ہے وہ کل جو آج سانچے میں ڈھل رہا ہے
یہ دیکھتے ہو جو کاسۂ سر غرور غفلت سے کل تھا مملو
یہی بدن ناز سے پلا تھا جو آج مٹی میں گل رہا ہے
سمجھ ہو جس کی بلیغ سمجھے نظر ہو جس کی وسیع دیکھے
ابھی یہاں خاک بھی اڑے گی جہاں یہ قلزم ابل رہا ہے
کہاں کا شرقی کہاں کا غربی تمام دکھ سکھ ہے یہ مساوی
یہاں بھی اک بامراد خوش ہے وہاں بھی اک غم سے جل رہا ہے
عروج قومی زوال قومی خدا کی قدرت کے ہیں کرشمے
ہمیشہ رد و بدل کے اندر یہ امر پولٹیکل رہا ہے
مزہ ہے اسپیچ کا ڈنر میں خبر یہ چھپتی ہے پانیر میں
فلک کی گردش کے ساتھ ہی ساتھ کام یاروں کا چل رہا ہے
Khushi hai sab ko ke operation mein khoob nishtar yeh chal raha hai
Khushi hai sab ko ke operation mein khoob nishtar yeh chal raha hai
Kisi ko is ki khabar nahin hai, mareez ka dam nikal raha hai
Fana isi rang par hai qaem, falak wahi chaal chal raha hai
Shikasta-o-muntashir hai woh kal, jo aaj saanche mein dhal raha hai
Yeh dekhte ho jo kaasah-e-sar, gharoor-e-ghaflat se kal tha mamloo
Yehi badan naaz se pala tha, jo aaj mitti mein gul raha hai
Samajh ho jis ki baleegh samjhe, nazar ho jis ki vasee' dekhe
Abhi yahan khaak bhi udey gi, jahan yeh qulzum ubal raha hai
Kahan ka sharqi kahan ka gharbi, tamam dukh sukh hai yeh masaavi
Yahan bhi ik ba-muraad khush hai, wahan bhi ik gham se jal raha hai
Urooj-e-qaumi, zawaal-e-qaumi, Khuda ki qudrat ke hain karishme
Hamesha radd-o-badal ke andar, yeh amr political raha hai
Maza hai speech ka dinner mein, khabar yeh chhappti hai 'Pioneer' mein
Falak ki gardish ke saath hi saath, kaam yaaron ka chal raha hai
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں