نہ بہتے اشک تو تاثیر میں سوا ہوتے — اکبر اللہ آبادی
شاعر
نہ بہتے اشک تو تاثیر میں سوا ہوتے
نہ بہتے اشک تو تاثیر میں سوا ہوتے
صدف میں رہتے یہ موتی تو بے بہا ہوتے
مجھ ایسے رند سے رکھتے ضرور ہی الفت
جناب شیخ اگر عاشق خدا ہوتے
گناہ گاروں نے دیکھا جمال رحمت کو
کہاں نصیب یہ ہوتا جو بے خطا ہوتے
جناب حضرت ناصح کا واہ کیا کہنا
جو ایک بات نہ ہوتی تو اولیا ہوتے
مذاق عشق نہیں شیخ میں یہ ہے افسوس
یہ چاشنی بھی جو ہوتی تو کیا سے کیا ہوتے
محل شکر ہیں اکبرؔ یہ درفشاں نظمیں
ہر اک زباں کو یہ موتی نہیں عطا ہوتے
Na behte ashq to taaseer mein siwa hote
Na behte ashq to taaseer mein siwa hote
Sadaf mein rehte yeh moti to be-baha hote
Mujhe aise rind se rakhte zaroor hi ulfat
Janab-e-Shaikh agar ashiq-e-Khuda hote
Gunahgaron ne dekha jamal-e-rehmat ko
Kahan naseeb yeh hota jo be-khata hote
Janab-e-Hazrat Nasih ka wah kya kehna
Jo ek baat na hoti to auliya hote
Mazaq-e-ishq nahin shaikh mein yeh hai afsos
Yeh chashni bhi jo hoti to kya se kya hote
Mehal-e-shukr hain Akbar yeh durafshaan nazmein
Har ek zubaan ko yeh moti nahin ata hote
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں