نہ حاصل ہوا صبر و آرام دل کا — اکبر اللہ آبادی
شاعر
نہ حاصل ہوا صبر و آرام دل کا
نہ حاصل ہوا صبر و آرام دل کا
نہ نکلا کبھی تم سے کچھ کام دل کا
محبت کا نشہ رہے کیوں نہ ہر دم
بھرا ہے مئے عشق سے جام دل کا
پھنسایا تو آنکھوں نے دام بلا میں
مگر عشق میں ہو گیا نام دل کا
ہوا خواب رسوا یہ عشق بتاں میں
خدا ہی ہے اب میرے بدنام دل کا
یہ بانکی ادائیں یہ ترچھی نگاہیں
یہی لے گئیں صبر و آرام دل کا
دھواں پہلے اٹھتا تھا آغاز تھا وہ
ہوا خاک اب یہ ہے انجام دل کا
جب آغاز الفت ہی میں جل رہا ہے
تو کیا خاک بتلاؤں انجام دل کا
خدا کے لئے پھیر دو مجھ کو صاحب
جو سرکار میں کچھ نہ ہو کام دل کا
پس مرگ ان پر کھلا حال الفت
گئی لے کے روح اپنی پیغام دل کا
تڑپتا ہوا یوں نہ پایا ہمیشہ
کہوں کیا میں آغاز و انجام دل کا
دل اس بے وفا کو جو دیتے ہو اکبرؔ
تو کچھ سوچ لو پہلے انجام دل کا
Na hasil hua sabr-o-araam dil ka
Na hasil hua sabr-o-araam dil ka
Na nikla kabhi tum se kuch kaam dil ka
Muhabbat ka nasha rahe kyon na har dam
Bhara hai mai-e-ishq se jaam dil ka
Phansaya to aankhon ne daam-e-bala mein
Magar ishq mein ho gaya naam dil ka
Hua khwab ruswa yeh ishq-e-butan mein
Khuda hi hai ab mere badnaam dil ka
Yeh baanki adayen yeh tirchhi nigahein
Yehi le gayin sabr-o-araam dil ka
Dhuan pehle uthta tha aaghaz tha woh
Hua khaak ab yeh hai anjaam dil ka
Jab aaghaz-e-ulfat hi mein jal raha hai
To kya khaak batlaoon anjaam dil ka
Khuda ke liye pher do mujh ko sahib
Jo sarkar mein kuch na ho kaam dil ka
Pas-e-marg un par khula haal-e-ulfat
Gayi le ke rooh apni paigham dil ka
Tadapta hua yoon na paya hamesha
Kahoon kya main aaghaz-o-anjaam dil ka
Dil is bewafa ko jo dete ho Akbar
To kuch soch lo pehle anjaam dil ka
شاعر کے بارے میں
سید اکبر حسین الہ ابادی 16 نومبر 1846ء کو ضلع الہ اباد کے قصبہ بارہ میں پیدا ہوئے۔والد تفضل حسین نائب تحصیلدار تھے۔ اکبر کی ابتدائی تعلیم گھر پر ہو...
مکمل تعارف پڑھیں