فرمان خدا — علامہ اقبال
شاعر
فرمان خدا
اٹھو مری دنیا کے غریبوں کو جگا دو
کاخ امرا کے در و دیوار ہلا دو
گرماؤ غلاموں کا لہو سوز یقیں سے
کنجشک فرومایہ کو شاہیں سے لڑا دو
سلطانی جمہور کا آتا ہے زمانہ
جو نقش کہن تم کو نظر آئے مٹا دو
جس کھیت سے دہقاں کو میسر نہیں روزی
اس کھیت کے ہر خوشۂ گندم کو جلا دو
کیوں خالق و مخلوق میں حائل رہیں پردے
پیران کلیسا کو کلیسا سے اٹھا دو
حق را بسجودے صنماں را بطوافے
بہتر ہے چراغ حرم و دیر بجھا دو
میں ناخوش و بے زار ہوں مرمر کی سلوں سے
میرے لیے مٹی کا حرم اور بنا دو
تہذیب نوی کار گہہ شیشہ گراں ہے
آداب جنوں شاعر مشرق کو سکھا دو
فرمان خدا
Utho meri duniya ke ghareebon ko jaga do
Kaakh-e-umra ke dar o deewar hila do
Garmao ghulamon ka lahoo soz-e-yaqeen se
Kunjishk-e-faromaya ko shaheen se lada do
Sultani-e-jumhoor ka aata hai zamana
Jo naqsh-e-kuhan tum ko nazar aaye mita do
Jis khet se dehqaan ko mayassar nahin rozi
Us khet ke har khosha-e-gandum ko jala do
Kyun khaaliq o makhlooq mein haail rahen parde
Peeraan-e-kalisa ko kalisa se utha do
Haq ra ba-sajood-e-sanamaan ra ba-tawaafi
Behtar hai chiragh-e-haram o dair bujha do
Main naa-khush o bezaar hoon marmar ki sillon se
Mere liye mitti ka haram aur bana do
Tehzeeb-e-navi kaar-gah-e-sheesha garan hai
Aadaab-e-junoon shair-e-Mashriq ko sikha do
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں