عقل گو آستاں سے دور نہیں — علامہ اقبال
شاعر
عقل گو آستاں سے دور نہیں
عقل گو آستاں سے دور نہیں
اس کی تقدیر میں حضور نہیں
دل بینا بھی کر خدا سے طلب
آنکھ کا نور دل کا نور نہیں
علم میں بھی سرور ہے لیکن
یہ وہ جنت ہے جس میں حور نہیں
کیا غضب ہے کہ اس زمانے میں
ایک بھی صاحب سرور نہیں
اک جنوں ہے کہ با شعور بھی ہے
اک جنوں ہے کہ با شعور نہیں
ناصبوری ہے زندگی دل کی
آہ وہ دل کہ ناصبور نہیں
بے حضوری ہے تیری موت کا راز
زندہ ہو تو تو بے حضور نہیں
ہر گہر نے صدف کو توڑ دیا
تو ہی آمادۂ ظہور نہیں
ارنی میں بھی کہہ رہا ہوں مگر
یہ حدیث کلیم و طور نہیں
‘Aql go āstāñ se dūr nahīñ
‘Aql go āstāñ se dūr nahīñ
Us kī taqdīr meñ ḥuẓūr nahīñ
Dil-e-bīnā bhī kar khudā se ṭalab
Āñkh kā nūr dil kā nūr nahīñ
‘Ilm meñ bhī surūr hai lekin
Yeh vo jannat hai jis meñ ḥoor nahīñ
Kyā ghazab hai ke is zamāne meñ
Ek bhī ṣāḥib-e-surūr nahīñ
Ik junūñ hai ke bā-sha‘ūr bhī hai
Ik junūñ hai ke bā-sha‘ūr nahīñ
Nā-ṣabūrī hai zindagī dil kī
Āh vo dil ke nā-ṣabūr nahīñ
Be-ḥuẓūrī hai terī maut kā rāz
Zindah ho to tū be-ḥuẓūr nahīñ
Har gohar ne ṣadaf ko toṛ diyā
Tū hī āmādah-e-ẓuhūr nahīñ
Ar’anī meñ bhī kah rahā hūñ magar
Yeh ḥadīs-e-Kalīm-o-Ṭūr nahīñ
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں