اگر کج رو ہیں انجم آسماں تیرا ہے یا میرا — علامہ اقبال
شاعر
اگر کج رو ہیں انجم آسماں تیرا ہے یا میرا
اگر کج رو ہیں انجم آسماں تیرا ہے یا میرا
مجھے فکر جہاں کیوں ہو جہاں تیرا ہے یا میرا
اگر ہنگامہ ہائے شوق سے ہے لا مکاں خالی
خطا کس کی ہے یا رب لا مکاں تیرا ہے یا میرا
اسے صبح ازل انکار کی جرأت ہوئی کیوں کر
مجھے معلوم کیا وہ رازداں تیرا ہے یا میرا
محمد بھی ترا جبریل بھی قرآن بھی تیرا
مگر یہ حرف شیریں ترجماں تیرا ہے یا میرا
اسی کوکب کی تابانی سے ہے تیرا جہاں روشن
زوال آدم خاکی زیاں تیرا ہے یا میرا
Agar kaj-rav haiñ anjum āsmāñ terā hai yā merā
Agar kaj-rav haiñ anjum āsmāñ terā hai yā merā
Mujhe fikr-e-jahāñ kyoñ ho, jahāñ terā hai yā merā
Agar hangāma-hā-e-shauq se hai lā-makāñ k͟hālī
Khaṭā kis kī hai yā Rabb lā-makāñ terā hai yā merā
Use ṣubḥ-e-azal inkār kī jur’at huī kyoñkar
Mujhe ma‘lūm kyā, vo rāz-dāñ terā hai yā merā
Muḥammad bhī terā, Jibrīl bhī, Qur’ān bhī terā
Magar yeh ḥarf-e-shīrīñ tarjumāñ terā hai yā merā
Isī kaukab kī tābānī se hai terā jahāñ raushan
Zavāl-e-ādam-e-k͟hākī ziyāñ terā hai yā merā
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں