اک دانش نورانی اک دانش برہانی — علامہ اقبال
شاعر
اک دانش نورانی اک دانش برہانی
اک دانش نورانی اک دانش برہانی
ہے دانش برہانی حیرت کی فراوانی
اس پیکر خاکی میں اک شے ہے سو وہ تیری
میرے لیے مشکل ہے اس شے کی نگہبانی
اب کیا جو فغاں میری پہنچی ہے ستاروں تک
تو نے ہی سکھائی تھی مجھ کو یہ غزل خوانی
ہو نقش اگر باطل تکرار سے کیا حاصل
کیا تجھ کو خوش آتی ہے آدم کی یہ ارزانی
مجھ کو تو سکھا دی ہے افرنگ نے زندیقی
اس دور کے ملا ہیں کیوں ننگ مسلمانی
تقدیر شکن قوت باقی ہے ابھی اس میں
ناداں جسے کہتے ہیں تقدیر کا زندانی
تیرے بھی صنم خانے میرے بھی صنم خانے
دونوں کے صنم خاکی دونوں کے صنم فانی
Ek Danish-e-Noorani ek Danish-e-Burhani
Ek Danish-e-Noorani ek Danish-e-Burhani
Hai Danish-e-Burhani hairat ki farawani
Is paikar-e-khaki mein ek shai hai so woh teri
Mere liye mushkil hai us shai ki nigehbani
Ab kya jo faghan meri pahunchi hai sitaron tak
Tu ne hi sikhai thi mujh ko ye ghazal-khwani
Ho naqsh agar batil takrar se kya hasil
Kya tujh ko khush aati hai Adam ki ye arzani
Mujh ko to sikha di hai Afrang ne zindeeqi
Is daur ke Mulla hain kyun nang-e-Musalmani
Taqdeer shikan quwwat baqi hai abhi is mein
Nadan jise kehte hain taqdeer ka zindani
Tere bhi sanam-khane mere bhi sanam-khane
Donon ke sanam khaki donon ke sanam fani
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں