علامہ اقبال — شاعر کی تصویر

اعجاز ہے کسی کا یا گردش زمانہ — علامہ اقبال

شاعر

تعارف شاعری

اعجاز ہے کسی کا یا گردش زمانہ

اعجاز ہے کسی کا یا گردش زمانہ
ٹوٹا ہے ایشیا میں سحر فرنگیانہ
تعمیر آشیاں سے میں نے یہ راز پایا
اہل نوا کے حق میں بجلی ہے آشیانہ
یہ بندگی خدائی وہ بندگی گدائی
یا بندۂ خدا بن یا بندۂ زمانہ
غافل نہ ہو خودی سے کر اپنی پاسبانی
شاید کسی حرم کا تو بھی ہے آستانہ
اے لا الٰہ کے وارث باقی نہیں ہے تجھ میں
گفتار دلبرانہ کردار قاہرانہ
تیری نگاہ سے دل سینوں میں کانپتے تھے
کھویا گیا ہے تیرا جذب قلندرانہ
راز حرم سے شاید اقبالؔ باخبر ہے
ہیں اس کی گفتگو کے انداز محرمانہ

I‘jāz hai kisī kā yā gardish-e-zamānah

I‘jāz hai kisī kā yā gardish-e-zamānah
Ṭūṭā hai Asia meñ siḥr-e-Farangīyānah
Ta‘mīr-e-āshiyāñ se maiñ ne yeh rāz pāyā
Ahl-e-navā ke ḥaq meñ bijlī hai āshiyānah
Yeh bandagī-e-khudāī vo bandagī-e-gadāī
Yā bandah-e-khudā ban yā bandah-e-zamānah
Ghāfil na ho khudī se kar apnī pās-bānī
Shāyad kisī ḥaram kā tū bhī hai āstānah
Ai lā-ilāh ke wāriṣ bāqī nahīñ hai tujh meñ
Guftār-e-dilbarānah kirdār-e-qāhirānah
Terī nigāh se dil sīnoñ meñ kāñpte thhe
K͟hoyā gayā hai terā jazb-e-qalandarānah
Rāz-e-ḥaram se shāyad Iqbāl bā-khabar hai
Haiñ is kī guftugū ke andāz-e-muḥramānah

شاعر کے بارے میں

علامہ اقبال

علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...

مکمل تعارف پڑھیں

دیگر کلام