جب عشق سکھاتا ہے آداب خود آگاہی — علامہ اقبال
شاعر
جب عشق سکھاتا ہے آداب خود آگاہی
جب عشق سکھاتا ہے آداب خود آگاہی
کھلتے ہیں غلاموں پر اسرار شہنشاہی
عطارؔ ہو رومیؔ ہو رازیؔ ہو غزالیؔ ہو
کچھ ہاتھ نہیں آتا بے آہ سحرگاہی
نومید نہ ہو ان سے اے رہبر فرزانہ
کم کوش تو ہیں لیکن بے ذوق نہیں راہی
اے طائر لاہوتی اس رزق سے موت اچھی
جس رزق سے آتی ہو پرواز میں کوتاہی
دارا و سکندر سے وہ مرد فقیر اولیٰ
ہو جس کی فقیری میں بوئے اسد اللہٰی
آئین جواں مرداں حق گوئی و بیباکی
اللہ کے شیروں کو آتی نہیں روباہی
Jab ishq sikhata hai aadab-e-khud-agahi
Jab ishq sikhata hai aadab-e-khud-agahi
Khulte hain ghulamon par asrar-e-shehanshahi
Attar ho Rumi ho Razi ho Ghazali ho
Kuch haath nahin aata be-aah-e-sehargahi
Na-umeed na ho un se ay rahbar-e-farzana
Kam-kosh to hain lekin be-zauq nahin rahi
Ay taair-e-lahooti is rizq se maut achi
Jis rizq se aati ho parwaz mein kotahi
Dara-o-Sikandar se woh mard-e-faqeer aula
Ho jis ki faqeeri mein boo-e-Asad-ullahi
Aain-e-jawan-mardaan haq-goi-o-be-baki
Allah ke sheron ko aati nahin roobahi
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں