خرد کے پاس خبر کے سوا کچھ اور نہیں — علامہ اقبال
شاعر
خرد کے پاس خبر کے سوا کچھ اور نہیں
خرد کے پاس خبر کے سوا کچھ اور نہیں
ترا علاج نظر کے سوا کچھ اور نہیں
ہر اک مقام سے آگے مقام ہے تیرا
حیات ذوق سفر کے سوا کچھ اور نہیں
گراں بہا ہے تو حفظ خودی سے ہے ورنہ
گہر میں آب گہر کے سوا کچھ اور نہیں
رگوں میں گردش خوں ہے اگر تو کیا حاصل
حیات سوز جگر کے سوا کچھ اور نہیں
عروس لالہ مناسب نہیں ہے مجھ سے حجاب
کہ میں نسیم سحر کے سوا کچھ اور نہیں
جسے کساد سمجھتے ہیں تاجران فرنگ
وہ شے متاع ہنر کے سوا کچھ اور نہیں
بڑا کریم ہے اقبال بے نوا لیکن
عطائے شعلہ شرر کے سوا کچھ اور نہیں
Khirad ke paas khabar ke siwa kuch aur nahin
Khirad ke paas khabar ke siwa kuch aur nahin
Tera ilaj nazar ke siwa kuch aur nahin
Har ek maqam se aage maqam hai tera
Hayat zauq-e-safar ke siwa kuch aur nahin
Giran-baha hai tu hifz-e-khudi se hai warna
Gohar mein aab-e-gohar ke siwa kuch aur nahin
Ragon mein gardish-e-khoon hai agar to kya hasil
Hayat soz-e-jigar ke siwa kuch aur nahin
Aroos-e-lala munasib nahin hai mujh se hijaab
Ke main naseem-e-sahar ke siwa kuch aur nahin
Jise kasad samajhte hain tajiraan-e-farang
Woh shai mata-e-hunar ke siwa kuch aur nahin
Bara kareem hai Iqbal-e-be-nawa lekin
Ata-e-shola-e-sharar ke siwa kuch aur nahin
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں