میری نوائے شوق سے شور حریم ذات میں — علامہ اقبال
شاعر
میری نوائے شوق سے شور حریم ذات میں
میری نوائے شوق سے شور حریم ذات میں
غلغلہ ہائے الاماں بت کدۂ صفات میں
حور و فرشتہ ہیں اسیر میرے تخیلات میں
میری نگاہ سے خلل تیری تجلیات میں
گرچہ ہے میری جستجو دیر و حرم کی نقشہ بند
میری فغاں سے رستخیز کعبہ و سومنات میں
گاہ مری نگاہ تیز چیر گئی دل وجود
گاہ الجھ کے رہ گئی میرے توہمات میں
تو نے یہ کیا غضب کیا مجھ کو بھی فاش کر دیا
میں ہی تو ایک راز تھا سینۂ کائنات میں
Meri nawa-e-shauq se shor-e-hareem-e-zaat mein
Meri nawa-e-shauq se shor-e-hareem-e-zaat mein
Ghalghala-haye al-aman but-kada-e-sifaat mein
Hoor-o-farishta hain aseer mere takhayyulat mein
Meri nigah se khalal teri tajalliyat mein
Garchi hai meri justajoo dair-o-haram ki naqsha-band
Meri faghan se rastakhez Kaaba-o-Somnat mein
Gaah meri nigah-e-tez cheer gayi dil-e-wajood
Gaah ulajh ke reh gayi mere tawhhumat mein
Tu ne ye kya ghazab kiya mujh ko bhi faash kar diya
Main hi to ek raaz tha seena-e-kainat mein
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں