نہ تو زمیں کے لیے ہے نہ آسماں کے لیے — علامہ اقبال
شاعر
نہ تو زمیں کے لیے ہے نہ آسماں کے لیے
نہ تو زمیں کے لیے ہے نہ آسماں کے لیے
جہاں ہے تیرے لیے تو نہیں جہاں کے لیے
یہ عقل و دل ہیں شرر شعلۂ محبت کے
وہ خار و خس کے لیے ہے یہ نیستاں کے لیے
مقام پرورش آہ و نالہ ہے یہ چمن
نہ سیر گل کے لیے ہے نہ آشیاں کے لیے
رہے گا راوی و نیل و فرات میں کب تک
ترا سفینہ کہ ہے بحر بیکراں کے لیے
نشان راہ دکھاتے تھے جو ستاروں کو
ترس گئے ہیں کسی مرد راہ داں کے لیے
نگہ بلند سخن دل نواز جاں پرسوز
یہی ہے رخت سفر میر کارواں کے لیے
ذرا سی بات تھی اندیشۂ عجم نے اسے
بڑھا دیا ہے فقط زیب داستاں کے لیے
مرے گلو میں ہے اک نغمہ جبرائیل آشوب
سنبھال کر جسے رکھا ہے لا مکاں کے لیے
Na tu zameen ke liye hai na aasman ke liye
Na tu zameen ke liye hai na aasman ke liye
Jahan hai tere liye tu nahin jahan ke liye
Yeh aql-o-dil hain sharar shola-e-mohabbat ke
Woh khaar-o-khas ke liye hai yeh neestaan ke liye
Maqam-e-parvarish-e-aah-o-nalah hai yeh chaman
Na sair-e-gul ke liye hai na aashiyan ke liye
Rahega Raavi-o-Neel-o-Furaat mein kab tak
Tera safeenah ke hai bahr-e-bekaran ke liye
Nishan-e-rah dikhate the jo sitaron ko
Taras gaye hain kisi mard-e-rah-dan ke liye
Nigah buland, sukhan dil-nawaz, jaan pur-sooz
Yehi hai rakht-e-safar Meer-e-caravan ke liye
Zara si baat thi andesha-e-ajam ne use
Barha diya hai faqat zaib-e-dastan ke liye
Mere galu mein hai ek naghma-e-Jibraeel aashob
Sambhaal kar jise rakha hai la-makan ke liye
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں