نالہ ہے بلبل شوریدہ ترا خام ابھی — علامہ اقبال
شاعر
نالہ ہے بلبل شوریدہ ترا خام ابھی
نالہ ہے بلبل شوریدہ ترا خام ابھی
اپنے سینہ میں اسے اور ذرا تھام ابھی
پختہ ہوتی ہے اگر مصلحت اندیش ہو عقل
عشق ہو مصلحت اندیش تو ہے خام ابھی
بے خطر کود پڑا آتش نمرود میں عشق
عقل ہے محو تماشائے لب بام ابھی
عشق فرمودۂ قاصد سے سبک گام عمل
عقل سمجھی ہی نہیں معنئ پیغام ابھی
شیوۂ عشق ہے آزادی و دہر آشوبی
تو ہے زناریٔ بت خانۂ ایام ابھی
عذر پرہیز پہ کہتا ہے بگڑ کر ساقی
ہے ترے دل میں وہی کاوش انجام ابھی
سعئ پیہم ہے ترازوئے کم و کیف حیات
تیری میزاں ہے شمار سحر و شام ابھی
ابر نیساں یہ تنک بخشیٔ شبنم کب تک
میرے کہسار کے لالے ہیں تہی جام ابھی
بادہ گردان عجم وہ عربی میری شراب
مرے ساغر سے جھجکتے ہیں مے آشام ابھی
خبر اقبالؔ کی لائی ہے گلستاں سے نسیم
نو گرفتار پھڑکتا ہے تہ دام ابھی
Nalah hai bulbul-e-shoreeda tera khaam abhi
Nalah hai bulbul-e-shoreeda tera khaam abhi
Apne seena mein use aur zara thaam abhi
Pukhta hoti hai agar maslahat-andeshi ho aql
Ishq ho maslahat-andesh to hai khaam abhi
Be-khatar kood pada aatish-e-Namrood mein ishq
Aql hai mahv-e-tamashai-e-lab-e-baam abhi
Ishq farmooda-e-qaasid se subuk gaam amal
Aql samjhi hi nahin maani-e-paigham abhi
Shaiva-e-ishq hai aazadi-o-dahar aashoobi
Tu hai zunnari-e-but-khana-e-ayyam abhi
Uzr-e-parhez pe kehta hai bigad kar saaqi
Hai tere dil mein wohi kaawish-e-anjaam abhi
Saee-e-paiham hai tarazu-e-kam-o-kaif-e-hayat
Teri meezaan hai shumar-e-sehar-o-shaam abhi
Abr-e-nisaan yeh tunak-bakhshi-e-shabnam kab tak
Mere kohsar ke lale hain tehi-e-jaam abhi
Baada-gardaanaan-e-ajam, woh arabi meri sharaab
Mere saaghar se jhijkte hain mai-aasham abhi
Khabar Iqbal ki laai hai gulistan se naseem
Nau-giraftaar phadakta hai teh-e-daam abhi
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں