نگاہ فقر میں شان سکندری کیا ہے — علامہ اقبال
شاعر
نگاہ فقر میں شان سکندری کیا ہے
نگاہ فقر میں شان سکندری کیا ہے
خراج کی جو گدا ہو وہ قیصری کیا ہے
بتوں سے تجھ کو امیدیں خدا سے نومیدی
مجھے بتا تو سہی اور کافری کیا ہے
فلک نے ان کو عطا کی ہے خواجگی کہ جنہیں
خبر نہیں روش بندہ پروری کیا ہے
فقط نگاہ سے ہوتا ہے فیصلہ دل کا
نہ ہو نگاہ میں شوخی تو دلبری کیا ہے
اسی خطا سے عتاب ملوک ہے مجھ پر
کہ جانتا ہوں مآل سکندری کیا ہے
کسے نہیں ہے تمنائے سروری لیکن
خودی کی موت ہو جس میں وہ سروری کیا ہے
خوش آ گئی ہے جہاں کو قلندری میری
وگرنہ شعر مرا کیا ہے شاعری کیا ہے
Nigah-e-faqr mein shan-e-sikandari kya hai
Nigah-e-faqr mein shan-e-sikandari kya hai
Khiraaj ki jo gada ho woh Qaisari kya hai
Buton se tujh ko ummeedein, Khuda se na-ummeedi
Mujhe bata tu sahi aur kafiri kya hai
Falak ne un ko ata ki hai khwajagi ke jinhein
Khabar nahin rawish-e-bandah-parvari kya hai
Faqat nigah se hota hai faisla dil ka
Na ho nigah mein shokhi to dilbari kya hai
Isi khata se itaab-e-malook hai mujh par
Ke jaanta hoon maal-e-sikandari kya hai
Kise nahin hai tamanna-e-sarvari lekin
Khudi ki maut ho jis mein woh sarvari kya hai
Khush aa gai hai jahan ko qalandari meri
Wagarna sher mera kya hai, shayari kya hai
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں