سختیاں کرتا ہوں دل پر غیر سے غافل ہوں میں — علامہ اقبال
شاعر
سختیاں کرتا ہوں دل پر غیر سے غافل ہوں میں
سختیاں کرتا ہوں دل پر غیر سے غافل ہوں میں
ہائے کیا اچھی کہی ظالم ہوں میں جاہل ہوں میں
میں جبھی تک تھا کہ تیری جلوہ پیرائی نہ تھی
جو نمود حق سے مٹ جاتا ہے وہ باطل ہوں میں
علم کے دریا سے نکلے غوطہ زن گوہر بدست
وائے محرومی خذف چین لب ساحل ہوں میں
ہے مری ذلت ہی کچھ میری شرافت کی دلیل
جس کی غفلت کو ملک روتے ہیں وہ غافل ہوں میں
بزم ہستی اپنی آرائش پہ تو نازاں نہ ہو
تو تو اک تصویر ہے محفل کی اور محفل ہوں میں
ڈھونڈھتا پھرتا ہوں میں اقبالؔ اپنے آپ کو
آپ ہی گویا مسافر آپ ہی منزل ہوں میں
Sakhtiyaan karta hoon dil par, ghair se ghafil hoon main
Sakhtiyaan karta hoon dil par ghair se ghafil hoon main
Haaye kya achhi kahi zaalim hoon main, jaahil hoon main
Main jabhi tak tha ke teri jalwa-pairayi na thi
Jo namood-e-haq se mit jaata hai woh baatil hoon main
Ilm ke darya se nikle ghotah zan gauhar badast
Waaye mehroomi, khazaf-cheen lab-e-saahil hoon main
Hai meri zillat hi kuch meri sharafat ki daleel
Jis ki ghaflat ko malak rote hain woh ghafil hoon main
Bazm-e-hasti apni aarayish pe tu nazan na ho
Tu to ek tasveer hai mehfil ki aur mehfil hoon main
Dhoondhta phirta hoon main Iqbal apne aap ko
Aap hi goya musafir, aap hi manzil hoon main
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں