ترے عشق کی انتہا چاہتا ہوں — علامہ اقبال
شاعر
ترے عشق کی انتہا چاہتا ہوں
ترے عشق کی انتہا چاہتا ہوں
مری سادگی دیکھ کیا چاہتا ہوں
ستم ہو کہ ہو وعدۂ بے حجابی
کوئی بات صبر آزما چاہتا ہوں
یہ جنت مبارک رہے زاہدوں کو
کہ میں آپ کا سامنا چاہتا ہوں
ذرا سا تو دل ہوں مگر شوخ اتنا
وہی لن ترانی سنا چاہتا ہوں
کوئی دم کا مہماں ہوں اے اہل محفل
چراغ سحر ہوں بجھا چاہتا ہوں
بھری بزم میں راز کی بات کہہ دی
بڑا بے ادب ہوں سزا چاہتا ہوں
Tere ishq ki inteha chahta hun
Tere ishq ki inteha chahta hun
Meri saadgi dekh kya chahta hun
Sitam ho ke ho vaada be-hijabi
Koi baat sabr aazma chahta hun
Yih jannat mubarak rahe zaahidon ko
Ke main aap ka saamna chahta hun
Zara sa to dil hun magar shokh itna
Wahi lan tarani suna chahta hun
Koi dam ka mehmaan hun aye ahl-e-mehfil
Chiragh-e-sehar hun bujha chahta hun
Bhari bazm mein raaz ki baat keh di
Bada be-adab hun saza chahta hun
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں