وہ حرف راز کہ مجھ کو سکھا گیا ہے جنوں — علامہ اقبال
شاعر
وہ حرف راز کہ مجھ کو سکھا گیا ہے جنوں
وہ حرف راز کہ مجھ کو سکھا گیا ہے جنوں
خدا مجھے نفس جبرئیل دے تو کہوں
ستارہ کیا مری تقدیر کی خبر دے گا
وہ خود فراخی افلاک میں ہے خوار و زبوں
حیات کیا ہے خیال و نظر کی مجذوبی
خودی کی موت ہے اندیشہ ہائے گوناں گوں
عجب مزہ ہے مجھے لذت خودی دے کر
وہ چاہتے ہیں کہ میں اپنے آپ میں نہ رہوں
ضمیر پاک و نگاہ بلند و مستئ شوق
نہ مال و دولت قاروں نہ فکر افلاطوں
سبق ملا ہے یہ معراج مصطفی سے مجھے
کہ عالم بشریت کی زد میں ہے گردوں
یہ کائنات ابھی ناتمام ہے شاید
کہ آ رہی ہے دمادم صدائے کن فیکوں
علاج آتش رومیؔ کے سوز میں ہے ترا
تری خرد پہ ہے غالب فرنگیوں کا فسوں
اسی کے فیض سے میری نگاہ ہے روشن
اسی کے فیض سے میرے سبو میں ہے جیحوں
Woh harf-e-raaz ke mujh ko sikha gaya hai junoon
Woh harf-e-raaz ke mujh ko sikha gaya hai junoon
Khuda mujhe nafs-e-Jibreel de to kahun
Sitara kya meri taqdeer ki khabar dega
Woh khud farakhi-e-aflaak mein hai khwar-o-zaboon
Hayat kya hai khayal-o-nazar ki majzoobi
Khudi ki maut hai andesha-ha-e-goonagoon
Ajab maza hai mujhe lazzat-e-khudi de kar
Woh chahte hain ke main apne aap mein na rahun
Zameer-e-paak-o-nigah-e-buland-o-masti-e-shauq
Na maal-o-daulat-e-Qaroon na fikr-e-Aflatun
Sabaq mila hai yeh Mairaj-e-Mustafa se mujhe
Ke aalam-e-bashariyat ki zad mein hai gardoon
Yeh kainat abhi natamam hai shayad
Ke aa rahi hai damadam sada-e-kun fayakun
Ilaaj-e-aatish-e-Rumi ke soz mein hai tera
Teri khirad pe hai ghalib Farangiyon ka fasoon
Isi ke faiz se meri nigah hai roshan
Isi ke faiz se mere saboo mein hai Jaihoon
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں