ہم ذرے ہیں خاک رہ گزر کے — باقی صدیقی
شاعر
ہم ذرے ہیں خاک رہ گزر کے
ہم ذرے ہیں خاک رہ گزر کے
دیکھو ہمیں بام سے اتر کے
چپ ہو گئے یوں اسیر جیسے
جھگڑے تھے تمام بال و پر کے
وعدہ نہ دلاؤ یاد ان کا
نادم ہوں خود اعتبار کر کے
اے باد سحر نہ چھیڑ ہم کو
ہم جاگے ہوئے ہیں رات بھر کے
شبنم کی طرح حیات کے خواب
کچھ اور نکھر گئے بکھر کے
جب ان کو خیال وضع آیا
انداز بدل گئے نظر کے
یوں موت کے منتظر ہیں باقیؔ
مل جائے گا چین جیسے مر کے
Hum zarre haiñ khāk-e-rahguzar ke
Hum zarre haiñ khāk-e-rahguzar ke
Dekho hameñ bām se utar ke
Chup ho ga.e yuuñ asīr jaise
Jhagaṛe the tamām bāl-o-par ke
Va'ada na dilāo yaad un kā
Nādim huuñ ḳhud e'tibār kar ke
Ai bād-e-sahar na chheṛ ham ko
Ham jāge hue haiñ raat bhar ke
Shabnam kī tarah hayāt ke khvāb
Kuchh aur nikhar ga.e bikhar ke
Jab un ko ḳhayāl-e-vaza' aaya
Andāz badal ga.e nazar ke
Yuuñ maut ke muntazir haiñ Baqī'
Mil jā.e gā chain jaise mar ke
شاعر کے بارے میں
ِباقی صدیقی اردو اور پوٹھوہاری ادب کے اُن ممتاز شاعروں میں شمار ہوتے ہیں جنہوں نے سادگی، خلوص اور انسانی احساسات کو اپنی شاعری کا محور بنایا۔ ان کا...
مکمل تعارف پڑھیں