کیا پتا ہم کو ملا ہے اپنا — باقی صدیقی
شاعر
کیا پتا ہم کو ملا ہے اپنا
کیا پتا ہم کو ملا ہے اپنا
اور کچھ نشہ چڑھا ہے اپنا
کان پڑتی نہیں آواز کوئی
دل میں وہ شور بپا ہے اپنا
اب تو ہر بات پہ ہوتا ہے گماں
واقعہ کوئی سنا ہے اپنا
ہر بگولے کو ہے نسبت ہم سے
دشت تک سایہ گیا ہے اپنا
خود ہی دروازے پہ دستک دی ہے
خود ہی در کھول دیا ہے اپنا
دل کی اک شاخ بریدہ کے سوا
چمن دہر میں کیا ہے اپنا
کوئی آواز کوئی ہنگامہ
قافلہ رکنے لگا ہے اپنا
اپنی آواز پہ چونک اٹھتا ہے
دل میں جو چور چھپا ہے اپنا
کون تھا مد مقابل باقیؔ
خود پہ ہی وار پڑا ہے اپنا
Kya patā ham ko milā hai apnā
Kya patā ham ko milā hai apnā
Aur kuchh nasha chaṛhā hai apnā
Kān paṛtī nahīñ āvāz koī
Dil meñ voh shor bapā hai apnā
Ab to har baat pe hotā hai gumāñ
Vāqi'a koī sunā hai apnā
Har bagūle ko hai nisbat ham se
Dasht tak sāyah gayā hai apnā
Khud hī darvāze pe dastak dī hai
Khud hī dar khol diyā hai apnā
Dil kī ek shākh-e-burīdah ke sivā
Chaman-e-dahr meñ kyā hai apnā
Koī āvāz koī hangāma
Qāfila rukne lagā hai apnā
Apnī āvāz pe chauñk uṭhtā hai
Dil meñ jo chor chhipā hai apnā
Kaun thā madd-e-muqābil Baqī'
Khud pe hī vār paṛā hai apnā
شاعر کے بارے میں
ِباقی صدیقی اردو اور پوٹھوہاری ادب کے اُن ممتاز شاعروں میں شمار ہوتے ہیں جنہوں نے سادگی، خلوص اور انسانی احساسات کو اپنی شاعری کا محور بنایا۔ ان کا...
مکمل تعارف پڑھیں