مرحلہ دل کا نہ تسخیر ہوا — باقی صدیقی
شاعر
مرحلہ دل کا نہ تسخیر ہوا
مرحلہ دل کا نہ تسخیر ہوا
تو کہاں آ کے عناں گیر ہوا
کام دنیا کا ہے تیر اندازی
ہم ہوئے یا کوئی نخچیر ہوا
سنگ بنیادی ہیں ہم اس گھر کا
جو کسی طرح نہ تعمیر ہوا
سفر شوق کا حاصل معلوم
راستہ پاؤں کی زنجیر ہوا
عمر بھر جس کی شکایت کی ہے
دل اسی آگ سے اکسیر ہوا
کس سے پوچھیں کہ وہ انداز نظر
کب تبسم ہوا کب تیر ہوا
کون اب داد سخن دے باقیؔ
جس نے دو شعر کہے میرؔ ہوا
Marhala dil kā na tasḳhīr huā
Marhala dil kā na tasḳhīr huā
Tū kahāñ aa ke 'ināñ-gīr huā
Kām duniyā kā hai tīr-andāzī
Ham hue yā koī nachchīr huā
Sang-e-bunyādī haiñ ham us ghar kā
Jo kisī tarah na ta'mīr huā
Safar-e-shauq kā hāsil ma'alūm
Rāsta pā.oñ kī zanjīr huā
Umar bhar jis kī shikāyat kī hai
Dil usī aag se iksīr huā
Kis se pūchheñ ki vo andāz-e-nazar
Kab tabassum huā kab tīr huā
Kaun ab dād-e-suḳhan de Baqī'
Jis ne do sher kahe Mīr' huā
شاعر کے بارے میں
ِباقی صدیقی اردو اور پوٹھوہاری ادب کے اُن ممتاز شاعروں میں شمار ہوتے ہیں جنہوں نے سادگی، خلوص اور انسانی احساسات کو اپنی شاعری کا محور بنایا۔ ان کا...
مکمل تعارف پڑھیں