یوں بھی ہونے کا پتا دیتے ہیں — باقی صدیقی
شاعر
یوں بھی ہونے کا پتا دیتے ہیں
یوں بھی ہونے کا پتا دیتے ہیں
اپنی زنجیر ہلا دیتے ہیں
پہلے ہر بات پہ ہم سوچتے تھے
اب فقط ہاتھ اٹھا دیتے ہیں
قافلہ آج کہاں ٹھہرے گا
کیا خبر آبلہ پا دیتے ہیں
بعض اوقات ہوا کے جھونکے
لو چراغوں کی بڑھا دیتے ہیں
دل میں جب بات نہیں رہ سکتی
کسی پتھر کو سنا دیتے ہیں
ایک دیوار اٹھانے کے لیے
ایک دیوار گرا دیتے ہیں
سوچتے ہیں سر ساحل باقیؔ
یہ سمندر ہمیں کیا دیتے ہیں
Yun bhi hone ka pata dete hain
Yun bhi hone ka pata dete hain
Apni zanjeer hila dete hain
Pehle har baat pe hum sochte the
Ab faqat haath utha dete hain
Qafila aaj kahan thehre ga
Kya khabar aabla-paa dete hain
Baaz auqaat hawa ke jhonke
Lau charaghon ki badha dete hain
Dil mein jab baat nahin rah sakti
Kisi patthar ko suna dete hain
Ek deewar uthane ke liye
Ek deewar gira dete hain
Sochte hain Sar-e-sahilؔ Baqi
Yeh samundar hamein kya dete hain
شاعر کے بارے میں
ِباقی صدیقی اردو اور پوٹھوہاری ادب کے اُن ممتاز شاعروں میں شمار ہوتے ہیں جنہوں نے سادگی، خلوص اور انسانی احساسات کو اپنی شاعری کا محور بنایا۔ ان کا...
مکمل تعارف پڑھیں