بہت پہلے سے ان قدموں کی آہٹ جان لیتے ہیں — فراق گورکھپوری
شاعر
بہت پہلے سے ان قدموں کی آہٹ جان لیتے ہیں
بہت پہلے سے ان قدموں کی آہٹ جان لیتے ہیں
تجھے اے زندگی ہم دور سے پہچان لیتے ہیں
مری نظریں بھی ایسے قاتلوں کا جان و ایماں ہیں
نگاہیں ملتے ہی جو جان اور ایمان لیتے ہیں
جسے کہتی ہے دنیا کامیابی وائے نادانی
اسے کن قیمتوں پر کامیاب انسان لیتے ہیں
نگاہ بادہ گوں یوں تو تری باتوں کا کیا کہنا
تری ہر بات لیکن احتیاطاً چھان لیتے ہیں
طبیعت اپنی گھبراتی ہے جب سنسان راتوں میں
ہم ایسے میں تری یادوں کی چادر تان لیتے ہیں
خود اپنا فیصلہ بھی عشق میں کافی نہیں ہوتا
اسے بھی کیسے کر گزریں جو دل میں ٹھان لیتے ہیں
حیات عشق کا اک اک نفس جام شہادت ہے
وہ جان ناز برداراں کوئی آسان لیتے ہیں
ہم آہنگی میں بھی اک چاشنی ہے اختلافوں کی
مری باتیں بعنوان دگر وہ مان لیتے ہیں
تری مقبولیت کی وجہ واحد تیری رمزیت
کہ اس کو مانتے ہی کب ہیں جس کو جان لیتے ہیں
اب اس کو کفر مانیں یا بلندیٔ نظر جانیں
خدائے دو جہاں کو دے کے ہم انسان لیتے ہیں
جسے صورت بتاتے ہیں پتہ دیتی ہے سیرت کا
عبارت دیکھ کر جس طرح معنی جان لیتے ہیں
تجھے گھاٹا نہ ہونے دیں گے کاروبار الفت میں
ہم اپنے سر ترا اے دوست ہر احسان لیتے ہیں
ہماری ہر نظر تجھ سے نئی سوگندھ کھاتی ہے
تو تیری ہر نظر سے ہم نیا پیمان لیتے ہیں
رفیق زندگی تھی اب انیس وقت آخر ہے
ترا اے موت ہم یہ دوسرا احسان لیتے ہیں
زمانہ واردات قلب سننے کو ترستا ہے
اسی سے تو سر آنکھوں پر مرا دیوان لیتے ہیں
فراقؔ اکثر بدل کر بھیس ملتا ہے کوئی کافر
کبھی ہم جان لیتے ہیں کبھی پہچان لیتے ہیں
Bahut Pehle Se Un Qadmon Ki Aahat Jaan Lete Hain
Bahut pehle se un qadmon ki aahat jaan lete hain
Tujhe ae zindagi hum door se pehchan lete hain
Meri nazrein bhi aise qatilon ka jaan o iman hain
Nigahein milte hi jo jaan aur iman lete hain
Jise kehti hai dunya kamyabi waaye nadani
Use kin qeematon par kamyab insan lete hain
Nigah-e-bada-goon yun to teri baaton ka kya kehna
Teri har baat lekin ehtiyatan chhan lete hain
Tabiyat apni ghabrati hai jab sunsaan raaton mein
Hum aise mein teri yaadon ki chadar taan lete hain
Khud apna faisla bhi ishq mein kafi nahin hota
Use bhi kaise kar guzrein jo dil mein thaan lete hain
Hayat-e-ishq ka ek ek nafas jaam-e-shahadat hai
Woh jaan-e-naaz-bardaran koi aasan lete hain
Hum-aahangi mein bhi ek chashni hai ikhtilafon ki
Meri baatein ba-unwan-e-digar woh maan lete hain
Teri maqbooliyat ki wajah wahid teri ramziyat
Ke us ko maante hi kab hain jis ko jaan lete hain
Ab is ko kufr manen ya bulandi-e-nazar janen
Khuda-e-do-jahan ko de ke hum insan lete hain
Jise soorat batate hain pata deti hai seerat ka
Ibarat dekh kar jis tarah ma'ani jaan lete hain
Tujhe ghaata na hone denge karobar-e-ulfat mein
Hum apne sar tera ae dost har ehsan lete hain
Hamari har nazar tujh se nai saugandh khati hai
To teri har nazar se hum naya paiman lete hain
Rafeeq-e-zindagi thi ab anees-e-waqt-e-aakhir hai
Tera ae maut hum yeh doosra ehsan lete hain
Zamane wardat-e-qalb sunne ko tarasta hai
Isi se to sar aankhon par mera diwan lete hain
Firaq aksar badal kar bhes milta hai koi kafir
Kabhi hum jaan lete hain kabhi pehchan lete hain