دیدار میں اک طرفہ دیدار نظر آیا — فراق گورکھپوری
شاعر
دیدار میں اک طرفہ دیدار نظر آیا
دیدار میں اک طرفہ دیدار نظر آیا
ہر بار چھپا کوئی ہر بار نظر آیا
چھالوں کو بیاباں بھی گلزار نظر آیا
جب چھیڑ پر آمادہ ہر خار نظر آیا
صبح شب ہجراں کی وہ چاک گریبانی
اک عالم نیرنگی ہر تار نظر آیا
ہو صبر کہ بیتابی امید کہ مایوسی
نیرنگ محبت بھی بیکار نظر آیا
جب چشم سیہ تیری تھی چھائی ہوئی دل پر
اس ملک کا ہر خطہ تاتار نظر آیا
تو نے بھی تو دیکھی تھی وہ جاتی ہوئی دنیا
کیا آخری لمحوں میں بیمار نظر آیا
غش کھا کے گرے موسیٰ اللہ ری مایوسی
ہلکا سا وہ پردہ بھی دیوار نظر آیا
ذرہ ہو کہ قطرہ ہو خم خانہ ہستی میں
مخمور نظر آیا سرشار نظر آیا
کیا کچھ نہ ہوا غم سے کیا کچھ نہ کیا غم نے
اور یوں تو ہوا جو کچھ بے کار نظر آیا
اے عشق قسم تجھ کو معمورۂ عالم کی
کوئی غم فرقت میں غم خوار نظر آیا
شب کٹ گئی فرقت کی دیکھا نہ فراقؔ آخر
طول غم ہجراں بھی بے کار نظر آیا
Deedar Mein Ek Tarfa Deedar Nazar Aaya
Deedar mein ek tarfa didar nazar aaya
Har baar chhupa koi har baar nazar aaya
Chhalon ko biyaban bhi gulzar nazar aaya
Jab chhed par aamada har khaar nazar aaya
Subh-e-shab-e-hijran ki woh chaak-garebaniyan
Ek alam-e-nairangi har taar nazar aaya
Ho sabr ke betaabi ummeed ke mayusi
Nairang-e-mohabbat bhi bekar nazar aaya
Jab chashm-e-siyah teri thi chhayi hui dil par
Is mulk ka har khitta tatar nazar aaya
Tu ne bhi to dekhi thi woh jaati hui dunya
Kya aakhri lamhon mein bimar nazar aaya
Ghash kha ke gire Musa Allah re mayusi
Halka sa woh parda bhi deewar nazar aaya
Zarra ho ke qatra ho khum-khana-e-hasti mein
Makhmoor nazar aaya sarshar nazar aaya
Kya kuchh na hua gham se kya kuchh na kiya gham ne
Aur yun to hua jo kuchh bekar nazar aaya
Ae ishq qasam tujh ko ma'amoora-e-alam ki
Koi gham-e-furqat mein gham-khwar nazar aaya
Shab kat gayi furqat ki dekha na Firaq aakhir
Tool-e-gham-e-hijran bhi bekar nazar aaya