میکدے میں آج اک دنیا کو اذن عام تھا — فراق گورکھپوری
شاعر
میکدے میں آج اک دنیا کو اذن عام تھا
میکدے میں آج اک دنیا کو اذن عام تھا
دور جام بے خودی بیگانۂ ایام تھا
روح لرزاں آنکھ محو دید دل ناکام تھا
عشق کا آغاز بھی شائستۂ انجام تھا
رفتہ رفتہ عشق کو تصویر غم کر ہی دیا
حسن بھی کتنا خراب گردش ایام تھا
غم کدے میں دہر کے یوں تو اندھیرا تھا مگر
عشق کا داغ سیہ بختی چراغ شام تھا
تیری دزدیدہ نگاہی یوں تو نا محسوس تھی
ہاں مگر دفتر کا دفتر حسن کا پیغام تھا
شاق اہل شوق پر تھیں اس کی عصمت داریاں
سچ ہے لیکن حسن در پردہ بہت بد نام تھا
محو تھے گلزار رنگا رنگ کے نقش و نگار
وحشتیں تھی دل کے سناٹے تھے دشت شام تھا
بے خطا تھا حسن ہر جور و جفا کے بعد بھی
عشق کے سر تا ابد الزام ہی الزام تھا
یوں گریباں چاک دنیا میں نہیں ہوتا کوئی
ہر کھلا گلشن شہید گردش ایام تھا
دیکھ حسن شرمگیں در پردہ کیا لایا ہے رنگ
عشق رسوائے جہاں بدنام ہی بدنام تھا
رونق بزم جہاں تھا گو دل غمگیں فراقؔ
سرد تھا افسردہ تھا محروم تھا ناکام تھا
Maikade mein aaj ek duniya ko izn-e-aam tha
Maikade mein aaj ek duniya ko izn-e-aam tha
Daur-e-jaam-e-be-khudi begana-e-ayyam tha
Rooh larzan aankh mahv-e-deed dil nakaam tha
Ishq ka aaghaz bhi shaista-e-anjaam tha
Rafta rafta ishq ko tasveer-e-gham kar hi diya
Husn bhi kitna kharab-e-gardish-e-ayyam tha
Gham-kade mein dehr ke yoon to andhera tha magar
Ishq ka daagh-e-siyah-bakhti chiragh-e-sham tha
Teri duzdida-nigahi yoon to na mehsoos thi
Haan magar daftar ka daftar husn ka paigham tha
Shaq ahl-e-shauq par theen uski ismat-dariyan
Sach hai lekin husn dar-parda bahut badnaam tha
Mahv the gulzar-e-ranga-rang ke naqsh-o-nigaar
Wahshatein thi dil ke sannate the dasht-e-sham tha
Be-khata tha husn har jaur-o-jafa ke baad bhi
Ishq ke sar ta abad ilzam hi ilzam tha
Yoon garebaan-e-chaak duniya mein nahin hota koi
Har khila gulshan shaheed-e-gardish-e-ayyam tha
Dekh husn-e-sharmgeen dar-parda kya laaya hai rang
Ishq ruswa-e-jahan badnaam hi badnaam tha
Ronaq-e-bazm-e-jahan tha go dil-e-ghamgeen Firaq!
Sard tha afsurda tha mehroom tha nakaam tha