باتیں تو کچھ ایسی ہیں کہ خود سے بھی نہ کی جائیں — حبیب جالب
شاعر
باتیں تو کچھ ایسی ہیں کہ خود سے بھی نہ کی جائیں
باتیں تو کچھ ایسی ہیں کہ خود سے بھی نہ کی جائیں
سوچا ہے خموشی سے ہر اک زہر کو پی جائیں
اپنا تو نہیں کوئی وہاں پوچھنے والا
اس بزم میں جانا ہے جنہیں اب تو وہی جائیں
اب تجھ سے ہمیں کوئی تعلق نہیں رکھنا
اچھا ہو کہ دل سے تری یادیں بھی چلی جائیں
اک عمر اٹھائے ہیں ستم غیر کے ہم نے
اپنوں کی تو اک پل بھی جفائیں نہ سہی جائیں
جالبؔ غم دوراں ہو کہ یاد رخ جاناں
تنہا مجھے رہنے دیں مرے دل سے سبھی جائیں
حبیب جالب
Baaten to kuchh aisi hain ke khud se bhi na ki jaayen
Baaten to kuchh aisi hain ke khud se bhi na ki jaayen
Socha hai khamoshi se har ik zehr ko pee jaayen
Apna to nahin koi wahan poochhne wala
Is bazm mein jaana hai jinhein ab to wohi jaayen
Ab tujh se humein koi talluq nahin rakhna
Achha ho ke dil se teri yaaden bhi chali jaayen
Ek umar uthaye hain sitam ghair ke hum ne
Apnon ki to ek pal bhi jafayen na sahi jaayen
Jaalib, gham-e-dauran ho ke yaad-e-rukh-e-jaanan
Tanha mujhe rehne dein mere dil se sabhi jaayen
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے ابتدائی تعلیم وہیں سے حاصل کی، مگر معاشی مسائل اور سیاسی انتشار نے رسمی تعلیم کا سلسلہ آگے بڑھنے نہ دیا۔ 1947ء میں ہجرت کے بعد وہ پاکستان آ گئے اور لاہور میں مستقل سکونت اختیار کی۔ کم عمری سے عوامی د...
مکمل تعارف پڑھیں