بہت روشن ہے شام غم ہماری — حبیب جالب
شاعر
بہت روشن ہے شام غم ہماری
بہت روشن ہے شام غم ہماری
کسی کی یاد ہے ہم دم ہماری
غلط ہے لا تعلق ہیں چمن سے
تمہارے پھول اور شبنم ہماری
یہ پلکوں پر نئے آنسو نہیں ہیں
ازل سے آنکھ ہے پر نم ہماری
ہر اک لب پر تبسم دیکھنے کی
تمنا کب ہوئی ہے کم ہماری
کہی ہے ہم نے خود سے بھی بہت کم
نہ پوچھو داستان غم ہماری
حبیب جالب
Bahut roshan hai sham-e-gham hamari
Bahut roshan hai sham-e-gham hamari
Kisi ki yaad hai humdam hamari
Ghalat hai la-taluq hain chaman se
Tumhare phool aur shabnam hamari
Yeh palkon par naye aansu nahin hain
Azal se aankh hai pur nam hamari
Har ek lab par tabassum dekhne ki
Tamanna kab hui hai kam hamari
Kahi hai hum ne khud se bhi bahut kam
Na poocho dastaan-e-gham hamari
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے ابتدائی تعلیم وہیں سے حاصل کی، مگر معاشی مسائل اور سیاسی انتشار نے رسمی تعلیم کا سلسلہ آگے بڑھنے نہ دیا۔ 1947ء میں ہجرت کے بعد وہ پاکستان آ گئے اور لاہور میں مستقل سکونت اختیار کی۔ کم عمری سے عوامی د...
مکمل تعارف پڑھیں