جاگنے والو تا بہ سحر خاموش رہو — حبیب جالب
شاعر
جاگنے والو تا بہ سحر خاموش رہو
جاگنے والو تا بہ سحر خاموش رہو
کل کیا ہوگا کس کو خبر خاموش رہو
کس نے سحر کے پاؤں میں زنجیریں ڈالیں
ہو جائے گی رات بسر خاموش رہو
شاید چپ رہنے میں عزت رہ جائے
چپ ہی بھلی اے اہل نظر خاموش رہو
قدم قدم پر پہرے ہیں ان راہوں میں
دار و رسن کا ہے یہ نگر خاموش رہو
یوں بھی کہاں بے تابئ دل کم ہوتی ہے
یوں بھی کہاں آرام مگر خاموش رہو
شعر کی باتیں ختم ہوئیں اس عالم میں
کیسا جوشؔ اور کس کا جگرؔ خاموش رہو
حبیب جالب
Jaagne walo ta ba sahar khamosh raho
Jaagne walo ta ba sahar khamosh raho
Kal kya hoga kis ko khabar khamosh raho
Kis ne sahar ke paaon mein zanjeerein daalein
Ho jaayegi raat basar khamosh raho
Shayad chup rehne mein izzat reh jaaye
Chup hi bhali ae ahl-e-nazar khamosh raho
Qadam qadam par pehre hain in raahon mein
Daar-o-rasan ka hai yeh nagar khamosh raho
Yun bhi kahan be-taabi-e-dil kam hoti hai
Yun bhi kahan aaram magar khamosh raho
Sher ki baatein khatm hueen is aalam mein
Kaisa Josh aur kis ka Jigar khamosh raho
شاعر کے بارے میں
حبیب احمد، ادبی دنیا میں حبیب جالب کے نام سے معروف، 24 مارچ 1928ء کو ہوشیارپور کے قصبے میانی افغاناں میں پیدا ہوئے۔ تقسیمِ ہند کے دور میں انہوں نے ابتدائی تعلیم وہیں سے حاصل کی، مگر معاشی مسائل اور سیاسی انتشار نے رسمی تعلیم کا سلسلہ آگے بڑھنے نہ دیا۔ 1947ء میں ہجرت کے بعد وہ پاکستان آ گئے اور لاہور میں مستقل سکونت اختیار کی۔ کم عمری سے عوامی د...
مکمل تعارف پڑھیں