حبیب جالب
شاعر
رات کُلیہنی
دنیاں بھر دے کالے چٹے چور لٹیرے
سوچیں پے گئے کی ہویا رات جے مکّ گئی
جے دھرتی دے کامیاں اگے گردن جھکّ گئی
کی ہووےگا ؟
رات نوں روکو
روشنیاں دے ہڑھ دے اگے
اُچیاں اُچیاں کندھاں چُکو
رات نوں روکو
ہُڑھ دی گونج تے گُھوکر سن کے
تاجاں تے تختاں دی دنیاں کمب اٹھی اے
اک مٹھی اے
جدوں ایہناں دی لُٹّ کھسٹّ نوں خطرہ پیندا
ربّ رسول نوں خطرے دے وچ پا دیندے نے
ربّ رسول دے حکم نال ایہہ ریہن نہیں لگے
خونی قاتل چور لٹیرے کالے بگے
جالب بھاویں لَکھ اکٹھے ہو ہو بہون
نہیں ہُن رہنی
رات کُلیہنی
نہیں ہُن رہنی
حبیب جالب