سر شمع ساں کٹائیے پر دم نہ ماریے — حیدر علی آتش
شاعر
سر شمع ساں کٹائیے پر دم نہ ماریے
سر شمع ساں کٹائیے پر دم نہ ماریے
منزل ہزار سخت ہو ہمت نہ ہاریے
مقسوم کا جو ہے سو وہ پہنچے گا آپ سے
پھیلائیے نہ ہاتھ نہ دامن پساریے
طالب کو اپنے رکھتی ہے دنیا ذلیل و خوار
زر کی طمع سے چھانتے ہیں خاک نیاریے
تنہائی ہے غریبی ہے صحرا ہے خار ہے
کون آشنائے حال ہے کس کو پکاریے
تم فاتحہ بھی پڑھ چکے ہم دفن بھی ہوئے
بس خاک میں ملا چکے چلئے سدھاریے
Sar sham'a saa'n kataiye par dam na maariye
Sar sham'a saa'n kataiye par dam na maariye
Manzil hazaar sakht ho himmat na haariye
Maqsoom ka jo hai so woh pahuchega aap se
Phailaaiye na haath na daaman pasaariye
Talib ko apne rakhti hai duniya zaleel-o-khwar
Zar ki tama'a se chhaante hain khaak niyaariye
Tanhayi hai ghareebi hai sahra hai khaar hai
Kaun aashna-e-haal hai kis ko pukariye
Tum fateha bhi padh chuke hum dafan bhi hue
Bas khaak mein mila chuke chaliye sudhaariye
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں