تازہ ہو دماغ اپنا تمنا ہے تو یہ ہے — حیدر علی آتش
شاعر
تازہ ہو دماغ اپنا تمنا ہے تو یہ ہے
تازہ ہو دماغ اپنا تمنا ہے تو یہ ہے
اس زلف کی بو سونگھئے سودا ہے تو یہ ہے
قینچی نہیں چلوائی مرے نامہ نے کس پر
پروار کبوتر ہو جو عنقا ہے تو یہ ہے
کچھ سرو کا رتبہ ہی نہیں قد سے ترے پست
شمشاد او صنوبر سے بھی بالا ہے تو یہ ہے
ملتا جو نہیں یار تو ہم بھی نہیں ملتے
غیرت کا اب اپنے بھی تقاضا ہے تو یہ ہے
اے نور نظر معجزۂ حسن سے تیرے
اندھے بھی کہیں گے کہ مسیحا ہے تو یہ ہے
محشر کو بھی دیدار کا پردہ نہ کرے یار
عاشق کو جو اندیشۂ فردا ہے تو یہ ہے
بینا ہوں جو آنکھیں تو رخ یار کو دیکھیں
نظارہ کے قابل جو تماشا ہے تو یہ ہے
مضموں دہن یار کا کیا فکر سے نکلے
لاحل جو معموں میں معما ہے تو یہ ہے
گہہ یاد صنم دل میں ہے گہہ یاد الٰہی
کعبہ ہے تو یہ ہے جو کلیسا ہے تو یہ ہے
معشوق و مے و خانۂ خالی و شب ماہ
عاشق کے لیے حاصل دنیا ہے تو یہ ہے
دیوانے نہ کیوں کر خل و زنجیر پہنتے
سرکار جنوں کا جو سراپا ہے تو یہ ہے
دل کے لیے ہے عشق تو دل عشق کی خاطر
مے ہے تو یہ ہے اور جو مینا ہے تو یہ ہے
دیوانۂ قد کے کبھی نالوں کو تو سنیے
ہنگامۂ محشر کا سا غوغا ہے تو یہ ہے
ثابت دہن یار دلیلوں سے کر آتشؔ
حجت کی جو شاعر کے لیے جا ہے تو یہ ہے
Taaza ho dimaagh apna tamanna hai to yeh hai
Taaza ho dimaagh apna tamanna hai to yeh hai
Is zulf ki boo soonghiye sauda hai to yeh hai
Qainchi nahin chalwai mere naama ne kis par
Parwaar kabootar ho jo anqa hai to yeh hai
Kuch sarv ka rutba hi nahin qad se tere past
Shamshaad o sanobar se bhi baala hai to yeh hai
Milta jo nahin yaar to hum bhi nahin milte
Ghariat ka ab apne bhi taqaaza hai to yeh hai
Aye noor-e-nazar mojiza-e-husn se tere
Andhe bhi kahenge ke Maseeha hai to yeh hai
Mahshar ko bhi deedaar ka parda na kare yaar
Aashiq ko jo andesha-e-fardaa hai to yeh hai
Beena houn jo aankhen to rukh-e-yaar ko dekhen
Nazaara ke qabil jo tamasha hai to yeh hai
Mazmoon-e-dahan-e-yaar ka kya fikr se nikle
Laahal jo moammo mein moamma hai to yeh hai
Gah yaad-e-sanam dil mein hai gah yaad-e-ilahi
Ka'ba hai to yeh hai jo kaleesa hai to yeh hai
Maashooq o mai o khana-e-khaali o shab-e-maah
Aashiq ke liye haasil-e-duniya hai to yeh hai
Deewane na kiyun kar khul o zanjeer pehnte
Sarkaar junoon ka jo sarapa hai to yeh hai
Dil ke liye hai ishq to dil ishq ki khaatir
Mai hai to yeh hai aur jo meena hai to yeh hai
Deewane qad ke kabhi naalon ko to suniye
Hangama-e-mahshar ka sa ghaugha hai to yeh hai
Saabit dahan-e-yaar daleelon se kar Atish
Hujjat ki jo shaa'ir ke liye jaa hai to yeh hai
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں