اس کے کوچے میں مسیحا ہر سحر جاتا رہا — حیدر علی آتش
شاعر
اس کے کوچے میں مسیحا ہر سحر جاتا رہا
اس کے کوچے میں مسیحا ہر سحر جاتا رہا
بے اجل واں ایک دو ہر رات مر جاتا رہا
کوئے جاناں میں بھی اب اس کا پتہ ملتا نہیں
دل مرا گھبرا کے کیا جانے کدھر جاتا رہا
جانب کہسار جا نکلا جو میں تو کوہ کن
اپنا تیشہ میرے سر سے مار کر جاتا رہا
نے کشش معشوق میں پاتا ہوں نے عاشق میں جذب
کیا بلا آئی محبت کا اثر جاتا رہا
واہ رے اندھیر بہر روشنیٔ شہر مصر
دیدۂ یعقوب سے نور نظر جاتا رہا
نشہ ہی میں یا الٰہی میکشوں کو موت دے
کیا گہر کی قدر جب آب گہر جاتا رہا
اک نہ اک مونس کی فرقت کا فلک نے غم دیا
درد دل پیدا ہوا درد جگر جاتا رہا
حسن کھو کر آشنا ہم سے ہوا وہ نونہال
پہنچے تب زیر شجر ہم جب ثمر جاتا رہا
رنج دنیا سے فراغ ایذا دہندوں کو نہیں
کب تپ شیر اتری کس دن درد سر جاتا رہا
فاتحہ پڑھنے کو آئے قبر آتشؔ پر نہ یار
دو ہی دن میں پاس الفت اس قدر جاتا رہا
Us ke kooche mein maseeha har sahar jata raha
Us ke kooche mein maseeha har sahar jata raha
Be-ajal wan ek do har raat mar jata raha
Koo-e-janan mein bhi ab us ka pata milta nahin
Dil mera ghabra ke kya jane kidhar jata raha
Janib-e-kohsar ja nikla jo main to kohkan
Apna tesha mere sar se mar kar jata raha
Ne kashish-e-mashooq mein pata hoon ne aashiq mein jazb
Kya bala aai mohabbat ka asar jata raha
Wah re andher behr-e-roshni-e-shehr-e-Misr
Deeda-e-Yaqub se noor-e-nazar jata raha
Nasha hi mein ya ilahi maikashon ko maut de
Kya gauhar ki qadr jab aab-e-gauhar jata raha
Ek na ek moonis ki furqat ka falak ne gham diya
Dard-e-dil paida hua dard-e-jigar jata raha
Husn kho kar aashna hum se hua woh nau-nihal
Pahunchay tab zer-e-shajar hum jab samar jata raha
Ranj-e-duniya se faragh eiza dahindon ko nahin
Kab tap-e-sheer utri kis din dard-e-sar jata raha
Fateha padhne ko aaye qabr-e-Atish par na yar
Do hi din mein pas-e-ulfat is qadar jata raha
شاعر کے بارے میں
خواجہ حیدر علی آتش اردو کے کلاسیکی دور کے نامور شاعر اور دبستانِ لکھنؤ کے اہم نمائندہ تھے۔ ان کی پیدائش 1778ء (بعض تذکروں کے مطابق 1764ء یا 1767ء) ...
مکمل تعارف پڑھیں