اب وہ گھر اک ویرانہ تھا بس ویرانہ زندہ تھا — جون ایلیا
شاعر
اب وہ گھر اک ویرانہ تھا بس ویرانہ زندہ تھا
اب وہ گھر اک ویرانہ تھا بس ویرانہ زندہ تھا
سب آنکھیں دم توڑ چکی تھیں اور میں تنہا زندہ تھا
ساری گلی سنسان پڑی تھی باد فنا کے پہرے میں
ہجر کے دالان اور آنگن میں بس اک سایہ زندہ تھا
وہ جو کبوتر اس موکھے میں رہتے تھے کس دیس اڑے
ایک کا نام نوازندہ تھا اور اک کا بازندہ تھا
وہ دوپہر اپنی رخصت کی ایسا ویسا دھوکا تھی
اپنے اندر اپنی لاش اٹھائے میں جھوٹا زندہ تھا
تھیں وہ گھر راتیں بھی کہانی وعدے اور پھر دن گننا
آنا تھا جانے والے کو جانے والا زندہ تھا
دستک دینے والے بھی تھے دستک سننے والے بھی
تھا آباد محلہ سارا ہر دروازہ زندہ تھا
پیلے پتوں کو سہ پہر کی وحشت پرسا دیتی تھی
آنگن میں اک اوندھے گھڑے پر بس اک کوا زندہ تھا
Ab woh ghar ek veerana tha bas veerana zinda tha
Ab woh ghar ek veerana tha bas veerana zinda tha
Sab aankhein dam tod chuki thin aur main tanha zinda tha
Saari gali sunsaan padi thi baad-e-fana ke pehre mein
Hijr ke dalaan aur aangan mein bas ek saya zinda tha
Woh jo kabootar us mokhe mein rehte the kis des ude
Ek ka naam nawazinda tha aur ek ka baazinda tha
Woh dopehar apni rukhsat ki aisa waisa dhoka thi
Apne andar apni laash uthaye main jhoota zinda tha
Thin woh ghar ratein bhi kahani waade aur phir din ginna
Aana tha jaane wale ko jaane wala zinda tha
Dastak dene wale bhi the dastak sunne wale bhi
Tha abaad mohalla sara har darwaza zinda tha
Peele patton ko seh-pehar ki wahshat parsa deti thi
Aangan mein ek aundhe ghade par bas ek kauwa zinda tha
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں