ابھی اک شور سا اٹھا ہے کہیں — جون ایلیا
شاعر
ابھی اک شور سا اٹھا ہے کہیں
ابھی اک شور سا اٹھا ہے کہیں
کوئی خاموش ہو گیا ہے کہیں
ہے کچھ ایسا کہ جیسے یہ سب کچھ
اس سے پہلے بھی ہو چکا ہے کہیں
تجھ کو کیا ہو گیا کہ چیزوں کو
کہیں رکھتا ہے ڈھونڈھتا ہے کہیں
جو یہاں سے کہیں نہ جاتا تھا
وہ یہاں سے چلا گیا ہے کہیں
آج شمشان کی سی بو ہے یہاں
کیا کوئی جسم جل رہا ہے کہیں
ہم کسی کے نہیں جہاں کے سوا
ایسی وہ خاص بات کیا ہے کہیں
تو مجھے ڈھونڈ میں تجھے ڈھونڈوں
کوئی ہم میں سے رہ گیا ہے کہیں
کتنی وحشت ہے درمیان ہجوم
جس کو دیکھو گیا ہوا ہے کہیں
میں تو اب شہر میں کہیں بھی نہیں
کیا مرا نام بھی لکھا ہے کہیں
اسی کمرے سے کوئی ہو کے وداع
اسی کمرے میں چھپ گیا ہے کہیں
مل کے ہر شخص سے ہوا محسوس
مجھ سے یہ شخص مل چکا ہے کہیں
Abhi ek shor sa utha hai kahin
Abhi ek shor sa utha hai kahin
Koi khamosh ho gaya hai kahin
Hai kuch aisa ke jaise ye sab kuch
Is se pehle bhi ho chuka hai kahin
Tujh ko kya ho gaya ke cheezon ko
Kahin rakhta hai dhoondhta hai kahin
Jo yahan se kahin na jaata tha
Woh yahan se chala gaya hai kahin
Aaj shamshan ki si boo hai yahan
Kya koi jism jal raha hai kahin
Hum kisi ke nahin jahan ke siwa
Aisi woh khas baat kya hai kahin
Tu mujhe dhoond main tujhe dhoondhoon
Koi hum mein se rah gaya hai kahin
Kitni wahshat hai darmiyan-e-hajoom
Jis ko dekho gaya hua hai kahin
Main to ab shahr mein kahin bhi nahin
Kya mera naam bhi likha hai kahin
Isi kamre se koi ho ke wida
Isi kamre mein chhup gaya hai kahin
Mil ke har shakhs se hua mehsoos
Mujh se ye shakhs mil chuka hai kahin
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں