ابھی فرمان آیا ہے وہاں سے — جون ایلیا
شاعر
ابھی فرمان آیا ہے وہاں سے
ابھی فرمان آیا ہے وہاں سے
کہ ہٹ جاؤں میں اپنے درمیاں سے
یہاں جو ہے تنفس ہی میں گم ہے
پرندے اڑ رہے ہیں شاخ جاں سے
دریچہ باز ہے یادوں کا اور میں
ہوا سنتا ہوں پیڑوں کی زباں سے
زمانہ تھا وہ دل کی زندگی کا
تری فرقت کے دن لاؤں کہاں سے
تھا اب تک معرکہ باہر کا درپیش
ابھی تو گھر بھی جانا ہے یہاں سے
فلاں سے تھی غزل بہتر فلاں کی
فلاں کے زخم اچھے تھے فلاں سے
خبر کیا دوں میں شہر رفتگاں کی
کوئی لوٹے بھی شہر رفتگاں سے
یہی انجام کیا تجھ کو ہوس تھا
کوئی پوچھے تو میر داستاں سے
Abhi farmaan aaya hai wahan se
Abhi farmaan aaya hai wahan se
Ke hat jaun main apne darmiyan se
Yahan jo hai tanaffus hi mein gum hai
Parinde ud rahe hain shakh-e-jaan se
Darecha baaz hai yaadon ka aur main
Hawa sunta hoon pedon ki zubaan se
Zamana tha woh dil ki zindagi ka
Teri furqat ke din laaun kahan se
Tha ab tak maarka bahar ka darpesh
Abhi to ghar bhi jaana hai yahan se
Falan se thi ghazal behtar falan ki
Falan ke zakhm achhe the falan se
Khabar kya doon main shahr-e-raftagaan ki
Koi laute bhi shahr-e-raftagaan se
Yahi anjaam kya tujh ko hawas tha
Koi poochhe to Meer dastaan se
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں