عیش امید ہی سے خطرہ ہے — جون ایلیا
شاعر
عیش امید ہی سے خطرہ ہے
عیش امید ہی سے خطرہ ہے
دل کو اب دل دہی سے خطرہ ہے
ہے کچھ ایسا کہ اس کی جلوت میں
ہمیں اپنی کمی سے خطرہ ہے
جس کے آغوش کا ہوں دیوانہ
اس کے آغوش ہی سے خطرہ ہے
یاد کی دھوپ تو ہے روز کی بات
ہاں مجھے چاندنی سے خطرہ ہے
ہے عجب کچھ معاملہ درپیش
عقل کو آگہی سے خطرہ ہے
شہر غدار جان لے کہ تجھے
ایک امروہوی سے خطرہ ہے
ہے عجب طور حالت گریہ
کہ مژہ کو نمی سے خطرہ ہے
حال خوش لکھنؤ کا دلی کا
بس انہیں مصحفیؔ سے خطرہ ہے
آسمانوں میں ہے خدا تنہا
اور ہر آدمی سے خطرہ ہے
میں کہوں کس طرح یہ بات اس سے
تجھ کو جانم مجھی سے خطرہ ہے
آج بھی اے کنار بان مجھے
تیری اک سانولی سے خطرہ ہے
ان لبوں کا لہو نہ پی جاؤں
اپنی تشنہ لبی سے خطرہ ہے
جونؔ ہی تو ہے جونؔ کے درپئے
میرؔ کو میرؔ ہی سے خطرہ ہے
اب نہیں کوئی بات خطرے کی
اب سبھی کو سبھی سے خطرہ ہے
Aish-e-ummeed hi se khatra hai
Aish-e-ummeed hi se khatra hai
Dil ko ab dil-dehi se khatra hai
Hai kuch aisa ke us ki jalwat mein
Hamein apni kami se khatra hai
Jis ke aaghosh ka hoon deewane
Us ke aaghosh hi se khatra hai
Yaad ki dhoop to hai roz ki baat
Haan mujhe chandni se khatra hai
Hai ajab kuch muamla darpesh
Aql ko aagahi se khatra hai
Shahr-e-ghaddar jaan le ke tujhe
Ek Amrohvi se khatra hai
Hai ajab taur-e-halat-e-girya
Ke mizha ko nami se khatra hai
Haal khush Lucknow ka Dilli ka
Bas unhein Mus'hafi se khatra hai
Aasmanon mein hai Khuda tanha
Aur har aadmi se khatra hai
Main kahoon kis tarah ye baat us se
Tujh ko jaanam mujhi se khatra hai
Aaj bhi aye kinara-baan mujh ko
Teri ek saanwli se khatra hai
In labon ka lahoo na pee jaun
Apni tishna-labi se khatra hai
Jaun hi to hai Jaun ke dar-pe
Mir ko Mir hi se khatra hai
Ab nahin koi baat khatre ki
Ab sabhi ko sabhi se khatra hai
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں