اپنے سب یار کام کر رہے ہیں — جون ایلیا
شاعر
اپنے سب یار کام کر رہے ہیں
اپنے سب یار کام کر رہے ہیں
اور ہم ہیں کہ نام کر رہے ہیں
تیغ بازی کا شوق اپنی جگہ
آپ تو قتل عام کر رہے ہیں
داد و تحسین کا یہ شور ہے کیوں
ہم تو خود سے کلام کر رہے ہیں
ہم ہیں مصروف انتظام مگر
جانے کیا انتظام کر رہے ہیں
ہے وہ بے چارگی کا حال کہ ہم
ہر کسی کو سلام کر رہے ہیں
ایک قتالہ چاہیے ہم کو
ہم یہ اعلان عام کر رہے ہیں
کیا بھلا ساغر سفال کہ ہم
ناف پیالے کو جام کر رہے ہیں
ہم تو آئے تھے عرض مطلب کو
اور وہ احترام کر رہے ہیں
نہ اٹھے آہ کا دھواں بھی کہ وہ
کوئے دل میں خرام کر رہے ہیں
اس کے ہونٹوں پہ رکھ کے ہونٹ اپنے
بات ہی ہم تمام کر رہے ہیں
ہم عجب ہیں کہ اس کے کوچے میں
بے سبب دھوم دھام کر رہے ہیں
Apne sab yaar kaam kar rahe hain
Apne sab yaar kaam kar rahe hain
Aur hum hain ke naam kar rahe hain
Tegh-bazi ka shauq apni jagah
Aap to qatl-e-aam kar rahe hain
Daad-o-tehseen ka ye shor hai kyun
Hum to khud se kalaam kar rahe hain
Hum hain masroof-e-intezam magar
Jaane kya intezam kar rahe hain
Hai woh be-charagi ka haal ke hum
Har kisi ko salam kar rahe hain
Ek qattalah chahiye hum ko
Hum ye elan-e-aam kar rahe hain
Kya bhala saghar-e-sifaal ke hum
Naaf-e-pyale ko jaam kar rahe hain
Hum to aaye the arz-e-matlab ko
Aur woh ehtiram kar rahe hain
Na uthe aah ka dhuan bhi ke woh
Koo-e-dil mein khiraam kar rahe hain
Us ke honton pe rakh ke honth apne
Baat hi hum tamam kar rahe hain
Hum ajab hain ke us ke koochay mein
Be-sabab dhoom dhaam kar rahe hain
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں