ایذا دہی کی داد جو پاتا رہا ہوں میں — جون ایلیا
شاعر
ایذا دہی کی داد جو پاتا رہا ہوں میں
ایذا دہی کی داد جو پاتا رہا ہوں میں
ہر ناز آفریں کو ستاتا رہا ہوں میں
اے خوش خرام پاؤں کے چھالے تو گن ذرا
تجھ کو کہاں کہاں نہ پھراتا رہا ہوں میں
اک حسن بے مثال کی تمثیل کے لیے
پرچھائیوں پہ رنگ گراتا رہا ہوں میں
کیا مل گیا ضمیر ہنر بیچ کر مجھے
اتنا کہ صرف کام چلاتا رہا ہوں میں
روحوں کے پردہ پوش گناہوں سے بے خبر
جسموں کی نیکیاں ہی گناتا رہا ہوں میں
تجھ کو خبر نہیں کہ ترا کرب دیکھ کر
اکثر ترا مذاق اڑاتا رہا ہوں میں
شاید مجھے کسی سے محبت نہیں ہوئی
لیکن یقین سب کو دلاتا رہا ہوں میں
اک سطر بھی کبھی نہ لکھی میں نے تیرے نام
پاگل تجھی کو یاد بھی آتا رہا ہوں میں
جس دن سے اعتماد میں آیا ترا شباب
اس دن سے تجھ پہ ظلم ہی ڈھاتا رہا ہوں میں
اپنا مثالیہ مجھے اب تک نہ مل سکا
ذروں کو آفتاب بناتا رہا ہوں میں
بیدار کر کے تیرے بدن کی خود آگہی
تیرے بدن کی عمر گھٹاتا رہا ہوں میں
کل دوپہر عجیب سی اک بے دلی رہی
بس تیلیاں جلا کے بجھاتا رہا ہوں میں
Eezā-dehi ki dād jo paata raha hoon main
Eezā-dehi ki dād jo paata raha hoon main
Har nāz-āfrīñ ko satāta raha hoon main
Ae khush-kharām pāon ke chhaale toh gin zara
Tujh ko kahaan kahaan na phirāta raha hoon main
Ik husn-e-bemisaal ki tamseel ke liye
Parchhāiyoñ pe rang girāta raha hoon main
Kya mil gaya zameer-e-hunar bech kar mujhe
Itna ke sirf kaam chalāta raha hoon main
Roohon ke parda-posh gunāhoñ se be-khabar
Jismoñ ki nekiyañ hi gināta raha hoon main
Tujh ko khabar nahin ke tera karb dekh kar
Aksar tera mazāq uRāta raha hoon main
Shāyad mujhe kisi se mohabbat nahin hui
Lekin yaqeen sab ko dilāta raha hoon main
Ik satar bhi kabhi na likhi main ne tere naam
Pāgal tujhi ko yaad bhi aata raha hoon main
Jis din se e'timād mein aaya tera shabāb
Us din se tujh pe zulm hi dhāta raha hoon main
Zarroñ ko āftāb banāta raha hoon main
Bēdār kar kar ke tere badan ki khud-āgahi
Tere badan ki umar ghaTāta raha hoon main
Kal dopahar ajeeb si ik be-dili rahi
Bas teeliyaan jalā ke bujhāta raha hoon main
شاعر کے بارے میں
اردو ادب کی تاریخ میں بہت کم ایسی شخصیتیں گزری ہیں جن کی زندگی خود ایک صدی بھر کا موضوع ہو، اور جون ایلیا ان معدودے چند ناموں میں سے ایک ہیں۔ 14 دس...
مکمل تعارف پڑھیں